Djasabra
31 Ougùstùs

Mariah Carey

Si tin un hende ku no tin mester di ningun introdukshon, anto e ora ei nos ta papiando di e kantante femenino Mariah Carey. E kantante akí a yega tòp na aña 1990 ku su enorme piesa eksitoso musikal Vision Of Love i su álbum di debut ni sikiera tabata tin un título. El a atraé direktamente mundo su atenshon, no den e mas mínimo pa e echo di su alkanse di sinku oktaf musikal i su uso di e registro di flouta. Carey tabata e promé  artista ku a alkansá ku su promé sinku diskonan sengel na promé lugá riba e lista  prestigioso di Billboard. Igualmente el a kibra tur rèkòrt establesí; su disko sengel One Sweet Day a mantené su mes na number un durante mas tempu ku kualke otro piesa musikal i el a mira su kansion di Pasku All I Want For Christmas Is You krese pa bira  un berdadero piesa musikal klásiko. Carey a risibí sinku Grammy Awards, 19 World Music Awards, dies American Music Awards i 14 Billboard Music Awards. El a vende rònt mundu mas ku 200 mion disko. Ademas di tur esei el a aktuá den pelíkulana ku tabata  eksitoso i e tabata embolbí den hopi obra karitativo. Su álbum mas resiente ta hiba e título di Caution di aña 2018

Maroon 5

E banda merikano Maroon 5 a keda fundá masha tempu pasá bou di e nòmber Kara’s Flowers, tempu ku e  kuater di su integrantenan tabata huntu na skol sekundario komo tiner. Ora nan a kuminsá na aña 2001 komo Maroon 5, nan strea a subi masha lihé ku  gran i grandioso éksitonan musikal i saliendo di un grupo di kuater hóben na edat di tiner, e banda a krese  pa kombertí i bira un mashin di éksito tras di otro di shete kabes, ku a bende mas di binti mion di álbum i ku un resepshon di tres Grammy. E álbum ku nan a debutá kuné yamá Songs About Jane a tuma e enkargo riba dje pa inisio di e éksitonan musikal, siguí pa e kansion It Won't Be Soon Before Long ku realmente tabata mas eksitoso ainda. I e éksitonan ku a sigui tabata demasiado: Harder To Breathe, This Love, She Will Be Loved, Makes Me Wonder, Moves Like Jagger ku Christina Aguilera… i e lista ta sigui kontinuá. E último álbum Red Pill Blues a sali na aña 2017 i  tabata kontené e kansion eksitoso sin komparashon ku tabata hiba e título Girls Like You ku presentashon di Cardi B. Na luna di yanuari último Maroon 5 tabatin e honor di por a presentá durante e pousa di intermedio di e  espektákulo di Superbowl. 

Aloe Blacc

Egbert Nathaniel Dawkins III ta mas bien konosí komo Aloe Blacc, un kanto-outor merikano – ounke ku e for di tempu ku e tabata mucha, a kuminsá toka riba un trompèt bieu ku tabata kibrá. Despues di tempu el a deskubrí e muzik i e ritmo di ritmo di hiphop skuchando piesanan di LL Cool J. El a forma un duo musikal ku Emanon huntu ku e produktor di músika hiphop Exile, promé ku el a lansa su karera musikal komo solista na aña 2003.  Na aña 2010  Blacc a bin topa ku e públiko grandi ku e éksito musikal I Need A Dollar. Tantu pa loke ta trata musikalidat komo relevansha sosial, e ta wòrdu konsiderá komo e susesor di trono di e grandinan di ‘soul’ manera: Sly Stone, Stevie Wonder i Marvin Gaye. Ku e piesa Wake Me Up, kaminda el a kanta i skirbi huntu ku e dj sueko Avicii, el a skor den hopi país number un riba e lista musikal na aña 2013. Na e momentunan ei den e mesun aña, su di tres álbum a mira lus ku tabata hiba di título o Lift Your Spirit i un disco EP, Wake Me Up. Ounke nos tur ta wardando riba un álbum nobo, Blacc definitivamente no a keda man krusá, tabatin diskonan sengel manera: Brooklyn In The Summer di aña 2018 den estrecho kolaborashon di entre otro Tiësto. Mas na kuminsamentu di e aña akí, a aparesé su disko sengel mas resiente I’m Gonna Sing; tambe nos por skuch’é den e disko sengel póstumo SOS de Avicii.

David Sanborn

David Sanborn ta konstruí ya for di añanan ochenta brug entre e géneronan, i ta ser kontá komo un di e saksofonistanan mas influyente ku a eksistí. El a trabaha komo músiko di seshon ku tabata tin hopi pedida, ku estreanan di e estilo rock i pop entre otro the Rolling Stones, James Brown, Bruce Springsteen i David Bowie, i el a komponé pistanan musikal manera  Lethal Weapon, pero e tabata musikalisá ku hopi smak den e klupnan di jazz ku músikonan manera como Jack DeJohnette i Bill Frisell. Su energia sin límite a keda koroná ku ocho diskos di oro, un di platina i seis Grammy. Sanborn tabata toka saksofon for di tempu ku e tabata mucha chikitu i el a saka na aña 1975 su promé álbum komo solista. Taking Off  entre tanto ta ser konsiderá komo un obra verdadero di e estilo jazz/funk klásiko. Adems de esei el a saka un gran kantidat di álbum, tantu komo direktor musikal i komo colaborador huntu ku otro artista.

Gladys Knight

Seis aña despues ku el a hasi su debut na Kòrsou e ‘Emperatris di Soul’ ta bini e isla bèk un bes mas. Gladys Knight a kuminsá tempu e tabata hopi yòn: na edad di siete aña el a  gana un sertamen di televishon di buskando talento, pa despues di un aña e mes funda un agrupashon musikal yamá The Pips. Komo Gladys Knight & The Pips e grupo akí a keda kontratá pa e afamado seyo diskero Motown i a anotá hopi éksito en partikular den añanan ’60 i ’70 ku e gran éksitonan I Heard It Through The Grapevine, Midnight Train To Georgia i Baby Don’t Change Your Mind. Na final di añanan ’80 Knight a kontinuá su karera musikal komo solista i el a anotá direktamente otro éksito ku e kansion di e pelíkula di James Bond License To Kill. E no tabata kanta solamente, pero el a traha nòmber tambe komo aktris i empresaria ademas di esei e tabata embolbí den hopi trabou sosial karitativo. Na aña 2014 a sali su álbum mas resien titulá: Where My Heart Belongs, un álbum original i auténtico di músika Gospel kaminda por skucha tambe e presensia di e grupo The Pips. Knight tin entre tantu shete Grammy i numeroso otro galardon mas riba su nòmber. 

Ozuna

Juan Carlos Ozuna Rosado, simplemente konosí manera su fam ta esta: Ozuna, ku ta un kantante puertorikeño di reggaetón i di e estilo yamá ‘latin trap’. Ya for di chikí e tabata tin un pashon enorme pa e género di ‘ latin urban’ i el a kuminsá skirbi piesanan musikal na edat di diesdos aña; na aña 2012 él a hasi su debut komo kantante ku e kansion Imaginando. Aktualmente Ozuna tiene henter un lista di éksito musikal riba su nòmber, na hopi okashon ku otro artista, manera entre otro: J Balvin, Daddy Yankee, Cardi B, Akon, Luis Fonsi, Bad Bunny y Selena Gomez. Na prinsipio di aña 2016 él a bira famoso ku e piesa La Ocasión i despues di esei kosnan tabata bai kada bes mihó p’e. El a saka dos álbum: Odisea na aña 2017 i Aura na el aña 2018. Ademas di tur esei Ozuna a gana entre otro dos Billboard Music Awards i tres Latin American Music Awards anto el a hasi su debut komo aktor sinematográfiko na aña 2017 den e pelíkula Que León

Third World

E banda hamaikino ku ta hiba e nòmber di Third World, a selebrá aña pasá atrobe su aniversario hubiloso number 45. Fundá na aña 1973 pa e miembronan antiguo di e banda Inner Circle, hopi lihé nan a hasi nòmber i a bira popular. Nan ta yama nan mes ‘Embahadornan di Reggae’ i nan ta deskribí nan sonido komo reggae fusion (fushon di reggae); e banda ta traha un meskla ku otro géneronan musikal manera soul,funk i disco. E banda su éksito mayó te dia di awe ta: Now That We Found Love di aña 1978. E éksito menshoná akí a hiba e banda rònt mundu i ku esaki e banda menshoná a risibí dies nominashon pa Grammy. Mayoría di e miembronan di e banda tin nòmber di kariño masha partikular, manera: Stephen "Cat" Coore, Richard "Bassie" Daley, Tony "Ruption" Williams, i Maurice "Smooth Lion" Gregory. A J Brown i Norris Webb ta hasi pa e grupo ta kompletu. Nan último disko sengel Loving You Is Easy tabata bou di produkshon di Damian Marley i e disko akí a sali na prinsipio di e aña akí.