Djasabra
31 Ougùstùs
These acts have been confirmed. The timetable will be announced later.
Aloe Blacc
Aloe Blacc, ya a haña su nòmber di kariño ku kua el a keda yamá komo: 'e heredero di trono di e grandinan den e género musikal di soul, tal komo tabata e kaso tambe ku: Sly Stone, Stevie Wonder i Marvin Gaye'; tanto den e términonan di musikalidat, komo den relevansia sosial. Aloe Blacc, na su boutiso a haña su nòmber berdadero di Egbert Nathaniel Dawkins III, ta poseé e gran kalidatnan di: kantante, rapero i músiko merikano. Despues ku el a optené su gran éksito diskero ku tabata hiba di título: I Need A Dollar, el a logra pone mas éksito riba mapa na aña 2013, ora el a bini ku e komposishon di un disko singel, ku tabata hiba komo título: Wake Me Up, ku e DJ sueko ku a fayesé, ku tabata tin e nòmber di Avicii. Piesa ku a para bira un éksito den mas di un sentenar di país, miéntras ku esei no tabata e úniko bes ku Aloe Blacc a kolaborá ku un DJ: pa mas despues, el a kanta tambe den e piesa: Carry You Home di Tiësto. Su di sinku emishon musikal ku ta su álbum mas resiente: All Love Everything, a keda estrená i lansá riba merkado na aña 2020, pero den luna di mei di e aña akí mes, el a anunsiá dos serie di EP, ku e ta kla pa realisá i emití ku lo hiba di nòmber: ‘Rock My Soul’, yená ku vershonnan di den e género musikal di soul i tambe di kansionan di género ‘rock’.
Eros Ramazzotti
E kantante i outor italiano Eros Ramazzotti a kuminsá produsí músika tokando ya for di e edat di shete aña anta el a kuminsá skirbi kanshonnan tempu ku e tabata den su adolesensia. Aunke e no a logra haña su atmishon na e konservatorio di su preferensha, no obstante esei tòg el a optené su promé kontrato diskero tempu e tabatin e edat di 18 aña, anto despues ku nan a mir’é ta duna un presentashon den un konkurso di buska talento nobo. Eros a resultá ganador apsoluto den e kategoría di Novatonan den e Festival de San Remo di añ 1984 i ku e logro a inisiá tambe su karera musikal internashonal ku a hasié bira masha konosí pa interpretashon di su hitnan éksitoso manera: Se Bastasse Una Canzone and Musica è. Su repertorio diversifiká entre tantu ta inkluí e tantísimo duètnan ku e kantantenan di asina tantu renombre tambe manera:Tina Turner, Cher, Julio Iglesias i Luciano Pavarotti. Eros su karera ta sobrepasá e 40 añanan sigarmente di éksitonan rotundo den kua el a vende mas di 70 mion d álbum i el a alkansá 2 mil mion di bishitante den línea. Su último álbum ku ta hiba e título di: Battito Infinito, a mira lus di día na aña 2022.
Jennifer Hudson
Jennifer Hudson ta un kantante-autora di lírika, ku tin e siudadanía merikano, aktis, presentadó di programa di television i tambe un produktora. El a nase i krese na i serka di siudat di Chicago, kaminda ku ya na edat di shete aña, el a kuminsá kanta den misa i riba tarimanan lokal. Hudson tabata na aña 2004, un di e finalistanan di e konkurso ‘American Idol’, miéntras ku apenas dos aña despues ya el a logra di bira realmente famoso ku e papel ku el a interpretá di Effie den e pelíkula musikal ku e título di Dreamgirls. Espesialmente den su vershon di: ‘And I Am Telling You I'm Not Going’ loke a hasi asina tantu impakto riba tur e espektadónan rònt mundu. Te dia di awe, Jennifer a emití tres álbum, el a interpretá ròlnan di aktuashon den pelíkulanan di durahon largu i tambe den serienan di televishon, aktuashonnan bibu na Broadway, ademas el a fungi komo asesora / konsehera den e programa popular The Voice [ E Bos] tantu na Merka, komo na Gran – Britania i for di aña 2020 e ta presentando su propio programa di Entrevista. Jennifer Hudson tabata e hende muhé mas hóben i tambe e di dos hende muhé di desendensia Afro – merikano, nunka bisto na niun otro okashon promé, ku por a risibí tur e kuater prestigioso premionan den e kategoría di divirtishon i entretenimiento merikano, ku tabata enserá e siguiente premionan: Emmy, Grammy, Oscar and Tony (EGOT). Anto na aña 2020 e revista Time komo muestra di apresio i rekonosimentu a nombr’é komo un di e shen personanan ku ta mas influyente na mundu.
Kamasi Washington
Kamasi Washington, konosí komo un multi-instrumentista, kompositor i direktor di orkesta. Kamasi Washington, a logra sakudí henter mundu di músika na aña 2015, ku presentashon di su álbum ku tabatin un durashon di tres hora ku kua el a debutá i ku tabata hiba di título ‘The Epic’. Asina di e manera ei, Kamasi a kombertí pa e logra haña e nòmber di kariño i asina e bira e abanderado, (kargadó di bandera) di un generashon nobo di músiko eksitoso den i di e género musikal di jazz. E saksofonista akí, a mira lus di día i a lanta i krese den siudat di Los Ángeles (California), kaminda el a forma parti di e kolektividat musikal di Jazz ku e nòmber di: West Coast Get Down. Kamasi Washington a kolaborá ku un gran kantidat di artista di e distinto diversidatnan musikal, inkluso ku e distinguido músikonan: Kendrick Lamar, Herbie Hancock, Chaka Khan i tambe Snoop Dogg. Washington a proporshoná inkluyendo e muzikalisashon pa i di e dokumental: ‘Becoming’, di Michelle Obama, pa kua Washington a keda balorisá i premiá ku nominashonnan pa premionan tantu pa Emmy i tambe pa Grammy, miéntras ku na aña 2020, e tabata tambe ko-fundador di e supergrupo musikal “Dinner Party” ku tabata konta ku presensia di e estrelarnan di renombre manera: Terrace Martin, Robert Glasper i 9th Wonder. Su álbum mas resiente ku a sali ku ta hiba komo título: ‘Fearless Movement’, a mira lus di día i ku a keda lansá riba merkado musikal na prinsipio di e aña ku nos ta bibando aden aktualmente.
Lizz Wright
Ku su bos di kantante inigualabel e kantante femenino mericano Lizz Wright, a resultá di ta for di su debut ku Salt [Salu] na aña 2003, laureá i afamá ampliamente tur kaminda, i e ta un di e vokalistanan realmente mas apresiá di e Jazz di su generashon. Siendo yu muhé di un pastor religioso, el a siña pa loke e profeshon ei na e manera antikuá ku tabata: kanta i toka e kantikanan i kanshonnan ‘gòspel’. Lizz ta sigui edifiká riba e herensia di e kantantenan ikóniko manera Nina Simone, Ella Fitzgerald i Billie Holiday, sin embargo ku un ‘Swing’ kompletamente kontemporáneo. Riba su álbum Grace di aña 2017, Wright ta bai bèk na su raísnan original, den e sentido, ku e ta sumergí e oyente den un baño di: Gòspel, Blues, Jazz, Folk, Soul i Pop. E aña akí Lizz ta bai emití un produkshon diskero yamá Shadow [Sombra], e prٕomé álbum di ‘studio di grabashon’, ku ta hiba su propio seyo musikal “Blues & Greens Records”. Riba e mesun seyo akí a yega na aparesé na aña 2022 tambe su álbum grabá durante un presentashon bibu yamá: Holding Space [Manteniendo Espacio]..
Maluma
E kantante-outor kolombiano ku tin e nòmber di kariño Maluma, miéntras ku su nòmber ofisial ku el a haña día el a batisá ta real- i propiamente: ‘Juan Luis Londoño Arias’, kende despues a bin resultá di ta sin ningun duda un di e artistanan latino ku a alkansá di a realisá mihó sifranan di benta di su produktonan artístiko ku públiko. Maluma a nase i krese den e bunita siudat di Medellín, kaminda ya na edat bastante hóben el a kuminsá ku su obranan musikal; di moda ku e, komo púber/tiner ya bayendo den adolesensia kaminda e tabata grabando kanshonnan eksitosamente. Su álbum komo debutante, ku tabata hiba e título di ‘Magia’ a mira lus di día na aña 2012, tempu ku e tabatin e edat hóben di 17 aña. E álbum akí na e edat ei, a sòru pa e risibí su promé nominashon di un asina yamá: “Latin Grammy” den e kategoría di: “Mihó Artista Nobato”. Tres aña despues, a bin sigui e álbum ku a fasilit’é i tambe ku a segur’é e indudable traspaso pa e avanse pa yega na e gran públiko, ku tabata hiba e título di: ‘Pretty Boy, Dirty Boy’, [Mucha Hòmber Nèchi, Mucha Hòmber Shushi], un kombinashon di e géneronan musikal Balada suave i Reggaeton. Ku esaki, a kuminsá tambe su lista largu di e kooperashonnan i e kolaborashonnan ku otro artista djis pa menshoná algun di nan kamina ta aparesé e nòmbernan di: Shakira, Ricky Martin, J. Balvin i esun di Madonna. Maluma a sa di ekstendé i ampliá su kampo laboral ku su aktuashon kaminda el a bría realmente pa su aktuashon huntu i banda di e artista popular Jennifer López den e pelíkula di durashon largu ku ta hiba di nòmber: ‘Marry Me’ [Kasa ku Mi] di aña 2022. Sin embargo i ku tur e éksitonan menshoná ei, tòg músika ta sigui keda su enfoke di mas importante, miéntas ku entre tanto, el a emití aña pasá su álbum mas resiente ku ta hiba e título di Don Juan, ku a optené un nominashon asina kudishá di ‘Grammy’.
Matteo Mancuso
Matteo Mancuso ta un guitarista di e género di músika Jazz i Rock i e ta tambe un kompositor, prosedente di e siudat di Palermo na isla di Sicilia na punta sur di Italia El a nase na aña 1996 i e tabata un yu musikalmente milagroso o sea milagrosamente musikal, huntu ku su tata Vincenzo, un guitarista konosí tambe pa su donnan musikal di produktor i mentor. Ya for di edat di diesun aña, Matteo tabata toka na festivalnan lokal, miéntras ku komo ‘tiner’ el a sigui su enseñansa sekundario na un skol sekundario spesial musikal, kaminda el a spesialisá su mes den guitara klásiko. El a risibí un beka estudiantil na e prestigioso Berklee College of Music na Boston i el terminá su estudio eksitosamente na aña 2022 risibiendo na su èksamen final ku e menshon di a gradua “ku Laurel” na konservatorio di Palermo. Mancuso ta konosí pa su téknika di man drechi, na su estilo spesial di ‘flamenko’ riba guitara eléktriko, ku su partinan di solo improvisá, anto tur eseinan sin ta hasiendo uso di un ‘pik’. Nòmbernan grandi di e tempu aktual akí ta entre otro e nòmbernan di: Al Di Meola, Joe Bonamassa i Steve Vai, ta su fanátikonan di bèrdè ku ta elogi’é sin fin – esun último menshoná ei, a yam’é hasta ‘ e evolushon di guitarafusion’. Na aña 2023 Mancuso a emití su promé álbum di studio ku ta hiba di nòmber: The Journey.[E Biahe]
