Aksesibilidat i parkermentu
Durante e festival bo por hasi uso di e tres terenonan pa parker den serkania di World Trade Center. For di aki tin e ‘shuttle' bὑsnan ta kore den direkshon pa i for di e lugánan di parker pa e festival. Riba e terenonan di parker tin sufisiente iluminashon i tambe agente di seguridat.
E terenonan di parker ta habrí riba 3, 4 i 5 di sèptèmber for di 5 pm. Portanan di e tereno di festival ta habrí for di 6 pm.
E terenonan ofisial di CNSJ 2026 ta:
- Sambil
- Rif Stadion
- Velt Veeris
E terenonan di parker ta keda indiká ku bòrchi ku ta mustra e palabra ‘Parking’. Mustrando bo karchi di entrada, bo por hasi uso grátis di e terenonan di parker i di e servisionan di shuttle.
E bùsnan di shuttle ta kore bai bini entre e terenonan di parker i e tereno di durante e siguiente orarionan:
Djaweps 3 di sèptèmber: 5 pm te ku 2 am
Djabièrnè 4 di sèptèmber: 5 pm te ku 3 am
Djasabra 5 di sèptèmber: 5 pm te ku 3 am
E bùsnan di shuttle ta hiba bo te na e rotòndu na Helmin Magno Wiels Boulevard. Pa bishitantenan ku tin difikultat pa kana, tin un Trolley Train disponibel pa subi i baha e seru. For di e rotòndu, e bùsnan di shuttle tambe ta kore bèk na e terenonan di parker.
PAGA TINU: Helmin Magno Wiels Boulevard lo ta será for di Aqualectra te ku e rotòndu di Parasasa tur dia di e festival, for di 5 pm te ku e último bishitante bai.
Nos ta pidi bo urgentemente pa NO parker riba òf banda di Piscaderaweg, pasobra esaki ta hasi e kaminda mas smal i por stroba e servisionan di emergensia.
Nos ta pidi bo pa sigui e instrukshonnan di polis i di e agentenan di seguridat presente, pa asina bo por parker bo outo di un manera bon i sigur.
Taxis
E parada di taxi ta situá na Piscaderaweg, serka di Marriott Beach Resort. E parada ta indiká ku bòrchi.
