Program Curaçao North Sea Jazz

Aki bou bo ta haña e nòmbernan ku a ser publiká te awor. Den e tempu ku ta benidero lo publiká mas nòmbernan i e orario.

Djaweps 29 September

Gente de Zona

Preparabu de lo mejor, tantu mental- komo físikamente dor di bisti bo sapatu di bailadó, pa e motibu ku realidat di tur bèrdat ta eksigí ku e agrupashon musikal ‘Gente de Zona’ ta yegando nos isla Kòrsou! E dúo kubano akí, ku ta konsistí di entre otro e músikonan Alexander Delgado i Randy Malcom Martínez. E grupo menshoná akí, a keda fundá na aña 2000 na siudat di La Habana pa Delgado, ku tabata konosé ya kaba vários i diferente okupashon musikal anteriormente, promé ku Martínez a keda inkorporá den e agrupashon na aña 2013. E mes tabata toka anteriormente ku e ya famoso i popular agrupashon musikal ‘Charanga Habanera’. Nan dos huntu a sa di logra alsa Gente de Zona na un nivel mas superior aínda; espesialmente despues di nan kolaborashon ku Enrique Iglesias, pa trese i presentá orguyosamente e ‘mega hit’, ku tabata hiba di título:“Bailando”, ku a kaba di keda koroná i premiá ku un Latin Billboard Award, anto ku a bin duna un resultado na mes momento, di favoresé nan tambe ku un popularidat fenomenal i sin igual. Seguidamente nan a traha ku berdaderamente un variedat di artista famoso manera Pitbull i Marc Anthony. Ku esun último menshoná akí, nan a sa di skor seguramente i anotá nan mayor éksito te e día di awe, ku tabata hiba e título di ‘La Gozadera’, ku tur rason na mundo a keda deskribí i anotá komo e himno nashonal i ofisial di ‘Amérika latina’.

Djabierne 4 September

Rubén Blades Fotografías Tour with Roberto Delgado Big Band

Rubén Blades ta un hòmber dotá ku masha hopi talento. Komo aktor, el a traha ku e grandinan den industria sinematográfika manera: Robert de Niro i Jack Nicholson, miéntras ku den su país natal Panamá, e ta ehersé e profeshon di abogado igualmente tambe komo aktivista polítiko, kaminda inkluso e tabata kandidato pa presidensia di su país menshoná anteriormente. Sin embargo i mas di tur kos aínda, Blades ta kompositor i kantante, anto un di e artistanan latino-amerikano mas eksitoso. Su tekstonan yená ku kompromisonan sosial, ta karakterisá nan mes pa Rubén su aspekto personal úniko, ku ta keda reflehá tambe den su músika. Su ‘Salsa Intelektual’, tin bes kombiná ku jazz i rock, a logra benefisi’é ku masha premio galardoná ku Grammy Awards i tambe ku premio den género di ‘Latin Grammy'. Pa su álbum mas nobo ku e título Fotografías ( aña 2025), Rubén a traha huntu ku e banda musikal di Roberto Delgado Big Band, anto esaki no tabata pa di promé bes, ya ku Blades i Delgado durante vários dékada ya kaba nan tabata hasiendo e trabou ei huntu. E piesanan riba su álbum nobo ta goza di un karakter komunal: su músika lo hasi pa ta imposibel pa bo por keda para ketu sin move. No ta pòrnada i ku motibu nan ta yama Blades ”E Poeta di Salsa”!

Toto

E banda merikano di nòmber ‘Toto’, ku a keda fundá na aña 1977, ta preparando aktualmente pa selebrá otro aña su di sinkuenta aniversario di eksistensia! E agrupashon musikal akí, kasi no tin nesesidat pa nan keda introdusí, danki na nan mes estil di músika spesial, ku ta kombiná e elementonan di e siguiente estilonan: pop, rock, soul, blues, jazz i hopi otro estilo musikal, ku nan mes a yuda edifiká ku un base di fanátiko di taya i na nivel mundial. E mesun banda akí a produsí un total de 14 álbum di Studio musikal, bendiendo mas di 50 mion disko rònt mundu, miéntras ku nan a gana diferente Awards Galardoná komo Grammy pa nan por ta presente den e Pasío i Museo di Fama di Músiko. Einan bo ta haña e tantísimo éksitonan musikal pa rekòrdá nos di e títulonan, ku ta entre otro: Africa, Hold The Line, Rosanna i algun otro mas. Tantu individual-komo kolektivamente e miembronan di e banda musikal akí a traha huntu ku e distinto i diferente artistanan, entre otro komo músiko di sekshon anto tambe den tur otro género musikal. E banda akí ta aktualmente bou di direkshon musikal di e guitarista Steve Lukather i e kantante prinsipal Joseph Williams, ku ta konsistí di un kolekshon o sea mas bien bisá di un aglomeración di músiko virtuoso, pero kisas loke ta mas importante aínda, nan ta konsiderá nan mes di ta: ”amigu pa semper “. Lo ta grasioso pa konosé e hecho estadístiko akí: nan públiko di fanátikada ta birando kontinuamente mas hóben – anto mas di mitar di nan miarnan ku ta ‘stream nn anualmente’ ta bini for di nan oyentenan ku ta den e edat di 34 aña òf tin den nan hasta mas hóben aínda!

Djasabra 5 September

Jon Batiste

Jon Batiste ta realmente ‘ henter un personalidat kompletu riba hopi tereno’: e merikano akí ta: kantante, kompositor, multi-instrumentalista, direktor di orkesta musikal, personalidat di televishon i tambe aktor. E tin ya kaba un kantidat di ocho galardon Grammy riba su nòmber (resibí for di no ménos ku 25 nominashon), for di esun álbum di Aña titulá ‘We Are’ di aña 2021. Batiste ta bini di e estado merikano di Louisiana i el a krese komo parti di realmente un dinastía musikal di New Orleans, ku por lo ménos 25 artista konosí. Jon ya tabata toka profeshonalmente na edat di ocho aña: perkushon i batería den e banda ‘Batiste Brothers Band’. Tres aña depues el a pasa pa bai toka piano, anto ya na edad di 17 aña el a emití su promé álbum musikal. Batiste a kompartí su talento musikal ku hopi artista, ku ta kuminsá for di Prince i Stevie Wonder te hasta yega na Willie Nelson i Mavis Staples. Batiste tabata tambe durante añanan largu, líder di e Banda musikal na planta di televishon, den e programa Late Show (Show Nocturno) di Stephen Colbert. Su músika ta asina riku na diversidat, ku musikalmente e ta drif entre e géneronan: gòspel, soul, pop, blues i rock-’n-roll. Tur e influensianan musikal ei, e ta lagabu sinti i skucha nan tur riba su álbum más resien, ku ta hiba di título: “Big Money” (Hopi Plaka) di aña 2025.

Kassav’

E banda musikal Kassav’, fundá na aña 1979 tabata risibí su inspirashon di e género musikal bibitu for di e músika gwo-ka prosedente di Guadeloupe i di e género musikal ti-bwa prosedente di Martinique. Resultado di esaki tabata nasementu di ‘Zouk’, un estilo Afro-karibense nobo, ku a sa di konkistá ku sierto rapides *latino-Amérika, siguí pa Afrika anto pa hasta yega e kontinente di Asia. E grupo di músiko i kantante establesé pa hopi aña na París, tabata hasi nan giranan musikal ekstensamente durante añanan ochenta di siglo pasá; ku e slanan redoblá rápido i lihé di nan batería estimulante di drùm huntu ku e instrumèntnan di bientu skèrpi a forma sin duda un kontrapeso bonbiní ku a sa di para e género di ‘disco’ i di e ‘ola nobo’ den diskotekanan. E grupo musikal yamá ‘Kassav’ menshoná anteriormente, a sa di produsí mas di binti álbum, lokual a keda premiá ku diskonan di platina i tambe esunnan di oro. E músika moderno di karnaval ta forma sin lugar pa ningun duda e núkleo musikal di tur nan álbumnan, hopi bes nan piesanan ta kontené tema polítiko, ku a hibanan pa duna presentashonnan eksklusivo riba invitashon. Awendía Kassav’ definitivamente ta sigui ta ketu bai ‘e banda musikal mágiko’, ku ta hasi uso di e mesun ritmonan original afrikano, ku nan ta laga dal buèlta den e ritmo moderno nobo karibeño.