"E mihó kantante di género musikal di ‘Soul’, ku su wowonan blou i prosedente di Gran Bretaña".
Paul Carrack, ku ta tambe kompositor i gran músiko, kende a sa di gana fama tantu komo solista i tambe komo miembro di vários otro banda tantu di tendensia komo di popularidat. El a kuminsá su karera musikal meimei di dékada di añanan ‘70 komo líder i kompositor prinsipal di e banda di Rock yamá: ‘Ace’, i el a optené su rekonosimiento mas grandi komo miembro di e agrupashon musikal di akompañamentu di Squeeze i huntu ku Roger Waters i su Bleeding Heart Band. Durante e siguiente dékadanan, Paul a uni ku e músiko Mike + The Mechanics kantando algun di su éksitonan di mas grandi, inkluso e éksito ku e título di: ‘The Living Years’. Miéntras tantu, Carrack a lansa tambe un serie di álbum komo solista ku kua el a optené un gran éksito ku e kansion: ‘Don't Shed A Tear’ na aña 1988. Carrack a desempeñá nòmber komo músiko di seshon òf di gira pa artistanan manera: Roxy Music, Elton John i Eric Clapton. Paul Carrck su komposishonnan a keda grabá pa algun nòmber di taya musikalmente grandi, manera: Diana Ross, Tom Jones i The Eagles. E kantante, ku aktualmente tin mas di setenta aña di edat, a keda batisá komo "E hòmber ku Bos di Oro" segun emisora BBC, miéntras ku musikalmente e ta kedando masha bibu i aktivo. E ta realisando su numeroso giranan musikal i e ta sigui publiká i emití su diskonan ku sierto frekuensia di su inspirashon i aparishon.
