Tempu ku
Kandace Springs tabata un mucha muhé chikitu na estado di Tennessee, su tata tabata pone disko di: Ella Fitzgerald, Billie Holiday y Dusty Springfield p’e. Manera e tabata krese i bira grandi, su propio smak musikal tabata inkluí artistanan manera Sade i Lauryn Hill; vokalistanan ku el a duna homenage na nan riba su álbum masha personal titulá: “The Women Who Raised Me”. E hecho ku aktualmente Kandance lo por bira un di e vokalistanan di jazz/soul di mas importante, ta evidente segun e lista di e nòmbernan ku ta dispuesto pa kolaborá kuné riba produkshon di su disko; inkluyendo un dúo ku Norah Jones, un parti musikal di baho di e basista Christian McBride i un kontribushon musikal di David Sanborn riba saksofon, aunke ku su propio bos i piano ta keda sigui forma e parti prinsipal. Su tata, e kantante i kompositor Scat Springs, a kolaborá pa realisá su álbum anterior, My Name Is Sheba... promé ku el a fayesé na aña 2021. Aña pasá a emití e último álbum di Springs ku e título di, “Run Your Race”.
