Leoni Torres, ta e nòmber ku el a haña na su boutiso komo Leonardo Torres Álvarez, ta un kantante cubano, outor di teksto musikal i produktor di músika. Ya for di chikitu el a keda impreshoná i kompletamente gará pa e muzik merikano R&B i tambe pa Michael Jackson, anto for di tempu ku e tabata hóben, kaba ya e tabata duna su presentashonnan den e salònnan di fiesta lokal. Durante e tempu ku e tabata formando parti di e orkesta Las Maravillas de Florida, el a yama atenshon di David Calzado, e líder direktor musikal di e agrupashon timba habanera, ku tabata karga e nòmber di Charanga Habanera. Durante un periodo di shete aña el a keda forma parti di e agrupashon ei, te ora el a disidí pa bai sigui kontinuá su karrera musikal komo kantante solista. Su promé álbum Bajo La Piel [Bou di Kueru] a sali na aña 2007. Torres ta meskla e ‘Latinpop’(e Pòp latino) tradishonal i modèrno den kuá el a kose pa logra na introdusí tambe salsa i tin bes hasta reggaeton pa ta presente den su músika. Ademas danki na su propio komposishon musikal, el a bin resultá den premio, komo ku t’e tabata e kompositor di e piesa Traidora, ku e hit di ‘Gente de Zona & Marc Anthony’ ku tabata asina eksitoso na aña 2015.
