E panameño akí ku por hasi tur kos, ta un konsepto den músika latino Jazz i Salsa, pero ora e no ta pará riba tarima e no ta sinta ketu tampoko. Aparte di ta aktor, outor di kansion i abogado, Blades ta okupá su mes tambe ku polítika di su pais i na 1994 el a pone su mes eligibel komo kandidato pa presidente di Panamá.
Afortunadamente pa su fanátikonan e ta enfoká su mes awendia kompletamente riba su pashon di mas grandi, esta músika. Ora bo skucha e sonidonan emoshonante i elektrisante di Pedro Navaja ta difísil pa bo keda para ketu sin move. I ku Patria, ku na su pais ta ser konsiderá komo e di dos himno nashonal, Blades ta perkurá pa e tempu benidero e no disparsé for di kurasonnan di e amantenan di Jazz i Salsa.
