Roberto Fonseca ta pertenesé na e generashon di músiko kubano ku tin e privilegio di por traha huntu i kolaborá ku e generashon di oro di e isla karibense akí. El a nase na aña 1975 i siendo prosedente di un famia musikal ya e tabata toka piano for di su edat di ocho aña. Su preferensha sinembargo ta bai pa perkushon i por skucha esei te ainda den su toká. Marka komersial di Fonseca ta ser kolorá pa su estilo di piano mové i guiá pa perkushon.
Su karera musikal a yega na un tòp ora ku na aña 2001 el a haña invitashon pa bin reforsá Rubén González den e orkesta di Ibrahim Ferrer. Esei a habri porta pa e yega na grandesanan manera Omara Portuondo, Cachaíto López i hopi otro asina yamá Cuban All Stars, ku kua el a presentá rònt mundu. E rikesa ei na enkuentronan musikal por ser tendé bèk riba su último dos álbumnan ‘Zamazu’ i ‘Akokan’.
