Michael Buffer
Anfitrion Curaçao
North Sea Jazz Festival 2014

Organisashon di Curaçao North Sea Jazz Festival ta anunsiá ku orguyo ku niun hende ménos ku Michael Buffer lo presentá komo anfitrion na e edishon di 2014.

Djabièrnè 29 di ougùstus i djasabra 30 di ougùstùs ku su stèm masha rekonosibel tambe konosí komo ‘The Voice of Champions®’, lo anunsiá Chic ft Nile Rodgers, Rod Stewart, Maná, Juan Luis Guerra, i Bruno Mars ku lo duna nan presentashon riba e tarima di mas grandi di e festival: Sam Cooke.

Michael Buffer, mundialmente konosí pa su smoking i e gritu famoso ku entre tanto a bira su marka komersial: ‘LET’S GET READY TO RUMBLE®’ (‘LGRTR®’), ta un di e karanan mas konosí den mundu di deporte i entretenimentu dor di su presentashonnan komo lokutor/anunsiadó na kampeonatonan di bokseo grandi i hopi otro evento deportivo i di entretenimentu internashonal transmití pa televishon. Sea e mes ta presentá personalmente òf su gritu ta sali via teip di oudio na eventonan deportivo (entre otro NBA, NFL), den pelíkula (Rocky Balboa, Ocean’s Eleven) i shownan na televishon (Southpark, The Simpsons), Buffer su famoso ‘Let’s Get Ready to Rumble®’ ta sòru seguramente pa un gran entusiasmo bou di su tantísimo fanátikonan.

Di e manera akí e aña akí tambe e karisma enorme di Buffer su stèm fulminante i su gritu famoso lo para garantia pa un start entusiasmá di e di sinku edishon di Curaçao North Sea Jazz Festival.

Por haña informashon adishonal di Michael Buffer riba e website ofisial letsrumble.com.