Juan Luis Guerra lo tei na anochi di apèrtura di Curaçao North Sea Jazz 2019

E favorito di públiko Juan Luis Guerra lo tei na anochi di apèrtura di Curacao North Sea Jazz Festival 2019 riba djaweps dia 29 di ougùstùs. Ya anteriormente a anunsiá presentashon di Havana D’Primera i Aymee Nuviola. Karchinan pa e konsierto grátis aki ta optenibel djadumingu awor 2 di yüni pa 10 di mainta na Sambil.

Kantante. Kompositor I produktor Juan Luis Guerra ta un di e artistanan latino mas konosí di e último dekada. Prosedente di Repúbika Dominikano, kaminda e ta konosí komo poeta I músiko di pueblo. Pero su fama ta internashonal. Mientras tantu Juan Luis Guerra a bende mas ku 30 mión disko I el a gana diferente premio, entre kua 21 Latin Grammy Award, 3 Grammy I dos Latin Billboard Music Award(ademas di e Lifetime Achievement Award ku e la haña anteriormente e aña aki). E no ta mará na un estilo di músika, pero ta usa diferente ritmo, entre kua, gòspel, merengue, bolero-bachata, balada, rock i salsa . Ya na tres okashon e; a aktuá na CNSJ (2011, 2014 i 2016), loke ta un rekòr; ningun artista otro a yega di bin CNSJ dje tantu biaha ei. Juan Luis Guerra a kada di saka su último disko I love You More, ku a Sali promé ku su disko mas nobo Literal.