Kartelera kompletu di e presentashon artístiko adishonal ta keda publiká awor pa ‘Curaçao North Sea Jazz Festival’ di aña 2026

E siguiente programa kompletu a keda anunsiá awor pa ‘Curaçao North Sea Jazz Festival’ pa aña 2026, añadí ku e siguiente artístanan: Jeon, Sean Paul i The Jacksons” lo duna nan presentashon awor den e programashon musikal fantástiko di djábièrnè 4 di septèmber. Anto pa koroná obra Afro 23, ta bai kaba di kompletá i pone e chèri riba e bolo musikal di e programa di djasabra día 5 di sèptèmber. Afro 23 tambe lo habri e festival ku un fenomenal konsierto di forma gratuito den e prestigioso sitio di Kurá Hulanda, riba e fecha di djamars 1° di sèptèmber. Tur e otro tres díanan di e festival, manera ta semper kaba kustumber, e selebrashon mes di e festival lo ta den e espasionan selektá indiká di World Trade Center na Piscadera Bay.

Yulier Ernesto Bonet Perez, ta sigur muchu mas  konosí komo AFRO 23, pa motibu ku e ta un multifasético kantante, pianista i produktor musikal kubano. Ya for di su edat di mucha chikí, el a kuminsá  toka perkushon i  piano, ku ketu bai a sigui di ta su instrumènt di mas preferensia. Na isla di Cuba, el a traha ku orkestanan manera e Orkesta ‘Caísmu’, anto ademas di esei tambe el a toka ku e siguiente orkestanan: ‘ Salsa Candela i tambe ku e Orkesta Sonido Caliente’. Despues di añanan ku a sigui i e tabata atkiriendo un diversidat di influensia musikal nobo, el a bin establesé su mes finalmente na Miami. Aya el a firma su promé kontrato diskográfiko na aña 2022 i el a produsí diskonan ‘sengel’ ku tabata hiba di título nòmbernan manera: ‘Soy Afro 23, Lo Que Se Comenta i Ella Baila Bonito’. AFRO 23 ta konosí tambe pa su estilo musikal enérgiko, den kua bo ta rekonosé e sonidonan tradishonal kubano, ku tabata keda den kombinashon  ku e influensianan  moderno huntu ku un fuerte presensia musikal i ku lo bo bai sinti su efekto tambe un bes.

Rèper Jeon, nasé, lantá i kriá na isla di Aruba, a sa di kombertí  su mes den un di e mayó eksportashonnan musikal di e isla menshoná ei. Tambe el a laga sigur su rastro musikal atras na isla ruman Kòrsou, ku su éksito musikal na idioma papiamentu ku e título di: ‘Bluewave’, ku a sa di sòru  pa esei kombertí bira entre tantu e ‘himno’ di e klasifikashon históriko di Kòrsou pa ta den kompetensia di Kampeonato Mundial di Fútbol di aña 2026.Ademas di esei, Jeon a logra su gran éksito musikal haña un lugá internashonalmente ku e pieza titulá ‘Machika’. Jeon a kolaborá tambe ku  J Balvin i Anitta anto el a skirbi tambe huntu pa realisá e produkshon di e piesa musikal “X (Ekis)” di Nicky Jam i J Balvin. Ku su propio i outéntiko estilo, Jeon mes a sa di estilo úniko, pa kombiná sonidonan karibeño ku ritmonan latino, pop i esunnan global.

Nasé i kriá na Kingston, Jamaica, Sean Paul a sa di kombertí su mes den un di e mihó artistanan di su generashon den e estilo di género musikal ‘dancehall’. Despues  di su gran éksito musikal ku e piesa Get Busy, el a logra optené otro éksito na nivel mundial ku e piesanan musikal ku a hiba di título: ‘Temperature i We Be Burnin'. Tambe el a kolaborá ku artistanan di taya mundial di gran renombre manera: Beyoncé, Enrique Iglesias i Sia, den e temanan musikal ku tin komo título: “Baby Boy, Bailando i Cheap Thrills”. Na aña 2023, el a sa di haña e nominashon komo: “Artista Crossover di Aña” riba e prestigioso ‘Billboard di Latin Music Awards’. Su álbum di Studio di Grabashon mas resiente titulá: ‘Scorcha’, a keda  eksitosamente publiká na aña 2022, anto ku e publikashon menshoná ei, el a logra optené un otro nominashon pa risibí premio Grammy.

The Jackson ta, ku sierto diferensia, ta e famia musikal mas famoso den  historia di e género musikal ‘pop’. E grupo akí den añanan 60 a kambia bira “The Jackson 5” ku e éksitonan sin igual ku tabata hiba di título: I Want You Back, ABC anto pa no lubidá mes e grandioso  “I'll Be There”, pa e grupo ei bin resultá komo un di e prinsipal gruponan di Motown. Ku nan diferente éksito presentashonnan, e rumannan Jackson a sa di yega tantu na e públikonan pretu, komo esunnan blanku, anto ku esei nan a kibra bareranan rasial den e género músikal di muzik “pop”. Jackie i Marlon Jackson ta sigui karga e grupo menshoná ei te día di awe, ku un espektákulo yamá: “The Greatest Hits-Show”, ku abundansia di entre otro: Soul, Funk, R&B klásiko i di e género musikal ‘Disco’, miéntras ku na aña 2022 nan grupo a bolbe haña un otro nominashon pa risibí premio Grammy.