Viernes 4 de sèptèmber
E actonan aki a wordo confirma. E orario lo wordo anuncia despues.
Rubén Blades Fotografías Tour with Roberto Delgado Big Band
Rubén Blades ta un hòmber dotá ku masha hopi talento. Komo aktor, el a traha ku e grandinan den industria sinematográfika manera: Robert de Niro i Jack Nicholson, miéntras ku den su país natal Panamá, e ta ehersé e profeshon di abogado igualmente tambe komo aktivista polítiko, kaminda inkluso e tabata kandidato pa presidensia di su país menshoná anteriormente. Sin embargo i mas di tur kos aínda, Blades ta kompositor i kantante, anto un di e artistanan latino-amerikano mas eksitoso. Su tekstonan yená ku kompromisonan sosial, ta karakterisá nan mes pa Rubén su aspekto personal úniko, ku ta keda reflehá tambe den su músika. Su ‘Salsa Intelektual’, tin bes kombiná ku jazz i rock, a logra benefisi’é ku masha premio galardoná ku Grammy Awards i tambe ku premio den género di ‘Latin Grammy'. Pa su álbum mas nobo ku e título Fotografías ( aña 2025), Rubén a traha huntu ku e banda musikal di Roberto Delgado Big Band, anto esaki no tabata pa di promé bes, ya ku Blades i Delgado durante vários dékada ya kaba nan tabata hasiendo e trabou ei huntu. E piesanan riba su álbum nobo ta goza di un karakter komunal: su músika lo hasi pa ta imposibel pa bo por keda para ketu sin move. No ta pòrnada i ku motibu nan ta yama Blades ”E Poeta di Salsa”!
Toto
E banda merikano di nòmber ‘Toto’, ku a keda fundá na aña 1977, ta preparando aktualmente pa selebrá otro aña su di sinkuenta aniversario di eksistensia! E agrupashon musikal akí, kasi no tin nesesidat pa nan keda introdusí, danki na nan mes estil di músika spesial, ku ta kombiná e elementonan di e siguiente estilonan: pop, rock, soul, blues, jazz i hopi otro estilo musikal, ku nan mes a yuda edifiká ku un base di fanátiko di taya i na nivel mundial. E mesun banda akí a produsí un total de 14 álbum di Studio musikal, bendiendo mas di 50 mion disko rònt mundu, miéntras ku nan a gana diferente Awards Galardoná komo Grammy pa nan por ta presente den e Pasío i Museo di Fama di Músiko. Einan bo ta haña e tantísimo éksitonan musikal pa rekòrdá nos di e títulonan, ku ta entre otro: Africa, Hold The Line, Rosanna i algun otro mas. Tantu individual-komo kolektivamente e miembronan di e banda musikal akí a traha huntu ku e distinto i diferente artistanan, entre otro komo músiko di sekshon anto tambe den tur otro género musikal. E banda akí ta aktualmente bou di direkshon musikal di e guitarista Steve Lukather i e kantante prinsipal Joseph Williams, ku ta konsistí di un kolekshon o sea mas bien bisá di un aglomeración di músiko virtuoso, pero kisas loke ta mas importante aínda, nan ta konsiderá nan mes di ta: ”amigu pa semper “. Lo ta grasioso pa konosé e hecho estadístiko akí: nan públiko di fanátikada ta birando kontinuamente mas hóben – anto mas di mitar di nan miarnan ku ta ‘stream nn anualmente’ ta bini for di nan oyentenan ku ta den e edat di 34 aña òf tin den nan hasta mas hóben aínda!
Monty Alexander Jamericana
Monty Alexander Jamericana - e pianista di jazz Monty Alexander- a mira lus di día den siudat di Kingston, na isla di Jamaica, pero el a biba sin embargo na Estados Unidos di Merka durante vários dékada. Eksperimentando musikalmente, Monty a bin deskubrí e instrumènt musial yamá piano, tempu e tabatin apenas kuater aña di edat. Seguidamente el a kuminsá tuma lès den e género di músika klásiko, anto pa mas despues e bai haña inmenso interes mes den e mesun instrumènt musikal piano ei den e género musikal di jazz. For di e momento ei, el a edifiká i konstruí satisfaktoriamente un karera musikal den kua, eksitosamente el a bin keda nominá pa bai risibí un premio Grammy, miéntras ku su obra a keda grabá riba mas di 75 álbum. E kreativo repertorio di a nase komo artista loke ta abarká entre otro un gama amplio di estilo i género di jazz i kombiná ku músika di su país natal Jamaica ku ta enserá: e kansionero merikano huntu ku e siguiente géneronan musikal esta: blues, góspel i bebop, calipso anto pa no lubidá e ritmo di e género outéntiko di “Reggae”. Esaki ta duna muestra i tambe ta demostrá indudablemente, ku su tera natal nunka a keda lubidá pa Monty. Esaki tambe tabata e motibu prinsipal ku gobièrno hamaikino a bin konsed’é i tambe a homenagié ku un variedat di título di honor pa su kontribushonnan balioso den promoshon di músika hamaikino i tambe na e interpretashon di e ola nobo den e género di jazz rònt di henter mundu. Alexander a biaha na numeroso okashon inkansablemente rònt mundu ku diverso proyekto musikal i el lo bin duna su aktuashon den e prestigioso Curaçao North Sea Jazz Festival próksimamente ku presentashon di e eksitoso trío ku tin e nòmber pegá na otro di Jamaica i America ku a bin haña komo resultado e nòmber di: ‘Jamericana’.
PJ Morton
E musikalísimo P.J. Morton a lanta i krese ku e músika bendita den e igualmente bendita siudat di New Orleans na Merka. Su tata ta un kantante di góspel, Obispu i fundadó di e misa ‘Full Gospel Baptist Church Fellowship’, miéntras ku su mama tabata pastora di e misa ‘Greater St. Stephen Full Gospel Baptist Church’. E promé álbum di Paul Sylvester Morton Jr. den e gran diskográfika “New Orleans”, a emití i lansá na aña 2013, pa optené inmediatamente nominashon pa un Grammy, komo disko sengel, ku tabata hiba e di título ‘Only One’, teniendo komo partisipashon di nada ménos ku di e gran i famoso Stevie Wonder. E kantante di ‘Maroon 5’, Adam Levine, tambe a kolaborá komo artista invitá den produkshon di e álbum menshoná ariba ei. No ta ni tampoko tabata nada straño, ya ku P.J. Morton tabata aktuando konstantemente kuné komo su teklista i tambe korista persona i spesial di e banda di estilo pop rock for di aña 2010. Esaki e ta kombiná sin muchu esfuerso ku e direkshon di su diskográfika, komo su trabou di produktor i di un gran karera musikal eiden komo solista. Ademas su hipnótiko álbum “Watch The Sun Live: The Mansion Sessions” (di aña 2023) ta demostrá klaramente ku e aktuashonnan di Morton hopi bes ta keda asimilá na un servisio religioso i di un índole masha yamativo, koutivador i di kalidat musikalmente úniko pa karisiá oído di skuchadó.
