Djasabra
30 Ougùstùs

These acts have been confirmed. The timetable will be announced later.

Cimafunk

Cimafunk ta e asina yamá:” Alter Ego” di e kantante, kompositor i produktor di orígen kubano ku yama Erik Alejandro Iglesias Rodríguez, konosí pa su kustumber di hasi e meskladonan di e gèneronan musikal: ‘funk i hip-hop’ ku músika kubano i afrokaribeño. E promé parti di su nòmber artístiko Cimafunk ta hasi referensia na e hendenan ‘shimaron’, pa ta eksakto e kubanonan di orígen i prosendensia afrikano, ku a duna resistensia i ku a hui bai, pa skapa for di e horibel etapa di sklavitut. E di dos parti ta referí na e músika ku e strea di rock afrokubano akí, ta duna na e libertat di trese inovashon ku i na e ritmo di e ‘groove’ di e músika di fiesta i e goso festivo aserka.
Riba su álbum di aña 2021, aklamá pa e krítika risibí pa su edishon di ‘El Alimento’, Cimafunk a kooperá i a kolaborá ku nòmbernan konosí manera: George Clinton, Lupe Fiasco i esun di CeeLo Green. Ademas di esei, Chucho Valdés, konsiderá komo e leyenda di Jazz afrokubano, a kanta realmente su alabansanan miéntras ku na Cuba, Cimafunk tambe tin su akogida di e milenionan, ku ta saka speransa di e  forma, ku ta honra e raísnan afrikano i latino pa no papia mes di e talentonan teatral di Estados Unidos. Cimafunk su último disko titulá: Pa' Tu Cuerpa, a mira musikalmente lus di día aña pasá.

Cory Henry

Cory Henry "E Yu Prodigioso i Maravioso" loke ta un terminología ku nos ta reservá pa e músikonan sumamente talentoso, ku a destaká i ku a superá riba tarima di esenario di nan sala di kas na un edat hopi yòn, e personanan ku ta igual na: Prince, Stevie Wonder i Cory Henry. E kantante i músiko multi-instrumentista akí a sorprendé tur hende ku su múltiple donnan talentoso, pero riba tur kos otro e tabata detaká i sobresalí ku su órgano klásiko di marka Hammond B3, ku ya e tabata dominá por completo fo’i su mucha chikí. Ya na edat di seis aña, Cory a sorprendé  públiko den Teatro Apolo di Harlem. Hopi aña despues, el a bin topa su alma oochi den persona di: Snarky Puppy, pero na aña 2018 el a legumai presentashonnan di e so komo solista, pa su presentashonnan kolektivo di moda ku e tabata kombertí lokalidatnan di rònt mundo den tèmpelnan di ‘Funk’ kaminda karchinan tabata kava lihé, kompañá pa su mes banda yamá: “Apòstelnan di Funk”. Komo kompositor, produktor i músiko, tambe el a sa di haña tempu pa traha ku: “Imagine Dragons, Smino, Lucky Daye i Rosalía, entre otro. E último álbum di Henry, “Church” di aña 2024, a balor’é ku su promé premio Grammy komo solista, presentando ku e mihó “Álbum Gospel di Raís”.

Gonzalo Rubalcaba & Hamilton DeHolanda, special guests Ivan Lins and Gabriel Grossi

E pianista i kompositor di e género musikal ‘jazz cubano’, Gonzalo Rubalcaba, ta indudable- i siguramente ún di e figuranan mas destaká i kreativo den e mundo di ’jazz latino’. Gonzalo a keda deskubrí pa Dizzy Gillespie, anto el a traha tambe ku íkononan manera: Chick Corea, Al Di Meola, Herbie Hancock, Juan Luis Guerra i hopi otro mas di e taya musikal ei. Aña pasá el a uni ku e bandolista brasileño Hamilton de Holanda, ku ta konosí pa su meskla di choro i e ‘jazz’ kontemporáneo’, ademas di esei pa  su virtuosismo di e téknika instrumental. Resultando for di e kolaborashon entre e dos maestronan latino menshoná ei, a bin surgi e álbum yamá ‘Collab’, ku a haña inmediatamente i meresidamente e nominashon pa un premio ‘Grammy’. Mediante e álbum ei, e dos músikonan ta duna muestra di kon i kuantu nan ta  komplementá nan dos instrumentonan ku otro. Riba tarima, realmente bo ta bin realisá, ku nan ta uni ku otro invitado espesial, ku ta e kantautor brasileño yamá Ivan Lins, di kua nan legadonan musikal di jazz a keda grabá den pasado pa e leyendanan musikal di Jazz manera: “Ella Fitzgerald, Sarah Vaughan, Quincy Jones i tambe Sérgio Mendes, i hopi  otro mas, i tambe e harmonista Gabriel Grossi. ”pa gosa i disfrutá di e ‘Jazz Latino’ den su óptima forma”. 

Jacob Collier

E kantante, kompositor, multi-instrumentista i produktor britániko yamá: Jacob Collier ta mirá i atmirá pa tantu su: públiko, krítikonan musikal i tur e otro músikonan komo un di e artistanan hóben di mas talentoso di aktualidat. E ta bini di un famía di músiko i el a kria i krese igualmente ku muzik: na i den su kas e tabata kanta kansionnan di kor di e kompositor di muzik klásiko J.S. Bach, huntu ku henter su famía djis pa relahá i pa "nan dibershon familiar". Na aña 2013, su videonan a bira viral riba YouTube i a konsekuensia di esei, Jacob Collier a yama i a kapta atenshon di Quincy Jones, ku a ofres’é un kontrato di dirigí. El a sa di bira ganadó di su promé dos Grammynan ku e kanshonnan di su álbum di debut titulá: ‘In My Room’, pa despues e kuminsá traha riba e proyekto Djesse, un proyekto di kuater parti i 50 kanshon ku mas di dos dozein di artista i konhuntonan musikal. E último parti di Djesse Vol. 4, a keda estrená na aña 2024. Ku su músika, ku ta inkluí elementonan ku ta sali for di e komposishon orkestral pa yega te na: Jazz, Folk, R&B, Rap i Pòp; e super anto inmensamente talentoso Collier akí, ta kombertí kada aktuashon i presentashon den un espektákulo ekstraordinariamente musikal i un atrakshon spesial pa karisiá kada oído di públiko.

Koffee

Koffee, konosí tambe bou di e nòmber di “Original Koffee”, ta un kantante, kompositor, rapera i guitarista proscedente di Jamaica. El a nanse ku e nòmber di Mikayla Victoria Simpson, kriá pa un mama soltera i tambe trahadó, pa asina di e manera ei, el a kuminsá ku su karera musikal komo miembro di un kor di misa. Na edat di 12 aña, el a siña toka guitara, anto el a kuminsá skirbi piesa i kansionnan musikal. Su EP ku el a hasi su debut kuné di aña 2019, Rapture,(Sker) a sa di gana e Premio Grammy pa di ta definitivamente e Mihó Álbum den e género musikal di Reggae, loke a kombertí Koffee den e persona mas hóben i tambe e  úniko hende muhé ku a gana un premio den e kategoría musikal ei. Koffee (ku a haña e nòmber di kariño ei, despues ku el a pidi un kòfi riba un día kalor i masha sofokante, miéntras ku tur e otro hendenan a opta pa tuma refresko friu) a keda nombrá komo un di e "10 hende muhénan pionero den e ramo ei, ku ta kambiando futuro, loke ta bal la pena pa tur hende tin i haña konosementu di dje", di akuerdo ku e revista di renombre ‘Elle’ na aña 2020. E ta un muhé di estatura di tamaño chikitu, pero ku rápidamente e ta sa di kombertí su mes den un gran i grandioso strea. Su álbum di debut, ‘Gifted’(Dotá), a keda lansá na aña 2022, anto el e keda debidamente risibí i aklamá ku ekselente krítika debí na i pa su musikalidat distinto i diferente.

Snoop Dogg

E magnate di e sector di entretenimento, ku ta tende bou di e nòmber di: Snoop Dogg, tabata tin su reinado durante un periodo di kasi tres dékada, for di e día, ku su álbum ku kuá el a hasi su debut na aña 1993, i ku tabata hiba e título di “Doggystyle” na e aña di 1993. El a logra di alkansá e posishon di number 1 riba e prestigioso ‘Billboard 200’ pa di tal forma e bai produsí despues varios disko sengel resultndo entre e 10 promé lugánan di popularidat musikal. Snoop Dogg a bini na mundu ku e nòmber di: Cordozar Calvin Broadus Jr. anto e ta lo siguiente: Rèper, Kantante, Kompositor, Aktor, Produktor musical, DJ, Personalidat den e mundo di Medionan Sosial di Komunikashon, Empresario i e ta tambe un Íkono merikano. Ademas di su ekstenso trabounan den e ramo musikal, Snoop ta un empresario eksitoso ku su esfuersonan   den Web 3.0, teknología, e departamento di entretenimiento, estilo di bida, markanan di konsumo global, hospitalidat i den e ramo di e industria di Kanabis. Aparte di e empresanan komersial di Snoop, e ta  partisipá aktivamente den obranan di karidat atraves i mediante di numeroso organisashon, ku ta inkluí e  Liga di Futbòl Hubenil di Snoop. Resientemente, el a hasi uso di su empresa yamá “Snoop Dogg's Clothing” pa distribuí e suministronan pa e personanan ku a keda malamente afektá pa e kandelanan di mondi ku tabatin na siudat di Los Ángeles di estado di California.

Tems

Tems (ku a nase kompañá pa e bunita nòmber di Temilade Openiyi) tin e kalidatnan di ta: kantante, kompositor, areglista i un produktora nigeriano, autodidaktika, kende tabata eksponé na músika na un edat masha hóben mes. Su propio sonido innovador den e ramonan musikal konosí komo: afropop, R&B, soul i reggae a sa di dun’é komo premio un éksitoso númber 1 riba e lista nigeriana di e empresa Apple Music na aña 2020, ku e disko sengel hibando di título: “Damages” (Dañonan), saká for di su EP di debut ‘For Broken Ears’ (Pa Oreanan kibrá). Den e mesun aña ei, el a haña su rekonosimento internashonal musikal pa su kontribushon,  ku el a duna na e éksito di e kansion ‘Essence de Wizkid’, (Esensia di un Mucha Sabí), ku a otorg’é e nominashon pa un Grammy. E kantante akí ya a traha ku e grandinan den e ambiente musikal manera: Beyoncé, Drake, Khalid i Future. E prinsipal medionan di komunikashon ku e nòmbernan manera: Pitchfork, Vogue i The Fader a elogi’é masha tantu, i su álbum di debut ku a keda sperá asina tantu tempu, ‘Born In The Wild’ (“Nansé den Selva”), un produkshon di aña 2024, a keda aklamá sin fin pa kuerpo di krítikonan. Den e último Premiashonnan pa Grammy, el a keda nominá  no ménos ku tres bes, anto el a gana e Grammy mes pa e Mihó Interpretashon di Músika Afrikano pa su disko sengel ku ta hiba di título di:“Love Me JeJe”(Stimami Je Je).