Candy Dulfer dunando su presentashon den “Kurá Hulanda Village”

E saksofonista di nashonalidat hulandes yamá Candy Dulfer, a kosehá i gana gran fama internashonal pa su kolaborashonnan musikal ku artistanandi renombre  manera entre otro: Prince, Van Morrison i Dave Stewart di Eurythmics. Ku e último ei, el a sa di anotá un éksito mundial ku e kansion ku ta hiba di título: Lily Was Here. Su álbum di debut ku ta hiba di título ‘Saxuality’, direktamente a keda nominá pa un premio Grammy, miéntras ku vários di su obranan diskero sengel a logra di alkansá e posishon number 1 na Merka. Candy tin mas di 30 aña kaba ta rekoriendo mundu ku su agrupashon musikal di nivel haltu. Na aña 2022, a  sali na benta riba merkado musikal su último álbum We Never Stop (Nos no ta terminá nunka). Ademas di tur Candy su éksitonan musikal, e tambe ta forma parti di e grupo di streanan hulandes ku tin e nòmber di: “Ladies of Soul” (“Damanan di Soul”), huntu ku e kantantenan:  Edsilia Rombley, Berget Lewis i tambe Trijntje Oosterhuis.

Set 1: 20.30 - 21.15
Set 2: 22.00 - 22.45