E legendario guitarista merikano
Al Di Meola a haña e yamada pa bin isla di Kòrsou pa duna su presentashon sobresaliente anto pa toka e aña akí pa di promé bes komo alineado musikal artístiko na edishon di ‘Curaçao North Sea Jazz Festival’. E Trío menshoná ei, anteriormente den pasado ya a haña e oportunidat di por a enkantá públiko ku nan músika i kansionnan na e sitio yamá ‘BrakkePut Mei Mei’ di e isla, na okashon di e pre-programanan di e konsiertonan preliminar, tur esei sosodé na aña 2013. Ya for di e momento di presentá su promé notanan musikal, huntu ku e supergrupo di Chick Corea ku e piesa ‘
Return to Forever’ (Bini bèk pa Semper), ku na prinsipio di añanan 70, el a sa di gana meresidamente un reputashon komo un di e mihó guitaristanan na mundu danki na su virtuosidat kombiná ku un rapides di velosidat sin igual, manera un rayo di welek kombiná tambe su agilidat lihé, huntu ku un sublime oído pa asina sigurá ku e melodíanan lo ta ku siguridat melodioso i kontagioso. Aunke Al Di Meola ta mas konosí riba e isla pa su género musikal di ‘Jazz Fusion’, e mener Di Meola akí, a eksplorá i a eksperimentá musikalmente ku un variedat enorme di estilo musikal den i durante kreashon di desena di su álbumnan musikal ku el a emití pa publikashon; for di e siguiente estilonan di: “jazz, rock, fusion i latin”, pa asina yega hasta na e distinto vershonnan di e famoso Beatles, pa no papia mes di e músika tradishonal suramerikano. Su éksito di mas grandi a bin yega finalmente na e momento ku el a kambia definitivamente e guitara eléktriko pa e tradishonal guitara akústiko pa asina e yega na krea i forma un super trío huntu ku: John McLaughlin i Paco de Lucia. E kolaborashon akí di e virtuosidat úniko a duna lugá na nasementu di e piesa ‘Friday Night In San Francisco’
[Djabièrnè Anochi na San Francisco] di aña (1981), ku tabata un piesa di un musikalidat sublime konsiderá indudablemente pa algun eksperto den e ramo ei, komo é disko di guitara akústiko mas influyente den historia musikal na nivel mundial.
