E nòmber di e guitarista, kompositor i produktor
Nile Rodgers lo keda pa semper konektá i asosiá pa henter mundu pa e eksitoso hit sin igual den e género musikal di ‘disco’:ku e título di
Le Freak ku su banda musikal
CHIC, sin embargo
esei no a keda te ei, el a skirbi i a produsٌí un serie enorme pa hopi otro artista mas. Su gran gira musikal triunfal a inisiá ku e piesa musikal di ‘We
Are Family’ pa Sister Sledge
(Sùr Sledge) i el a kontinuá ku otro artista variando di entre otro David Bowie, Diana Ross, Debbie Harry i Duran Duran hasta pa yega na Mick Jagger i Lady Gaga. El a sa di anotá un di su éksitonan musikal mas grandioso ku Daft Punk i Pharrell Williams den e piesa ku e título di
Get Lucky miéntras ku entre tanto el a optené aña pasá no ménos ku dos galardon Grammy adishonal pa su labor den e álbum di Beyoncé entitulá komo
Renaissance (Renasimientu). Rodgers ta kontinuá ku su bida di músiko i e ta sigu i hasi su giranan musikal biahando rònt mundu ku su banda CHIC i den kada festival kaminda e presentá, sin ningún duda bo por ta sigur ku e ta kosechá aklamashonnan eksitoso ku un eskoho den su aglomerashon di su gran éksitonan musikal, pasobra ta esunnan ku e mes a skirbi i a produsí; ta nan mes ta kargando e lema di e tema di su presentashon: “Baila ta un Obligashon”.
