Grupo di R&B The Pointer Sisters tin un karera ku ta surpasá sinku dékada. Nan a kuminsá komo un grupo di únikamente ruman muhé. Espesialmente den añanan ’70 i ’80 nan a skor hopi hit; entre 1973 i 1985 nan tabata diestres bes den e tòp 20 di Merka i nan a pone tres Grammy riba nan nòmber. Hitnan grandi tabata entre otro Jump (For My Love), Fire, Slow Hand i I’m So Excited. Awendia e grupo ta konsistí di e rumannan Anita i Ruth Pointer i Sadako, un nieta di Ruth. Ultimo añanan nan ta hasi furor dor di presentá ku orquesta simfóniko , manera durante Night of the Proms.
