Smokey Robinson ta konosí, huntu ku fundadó Berry Gordy, komo e representantenan mas importante di Motown. El a skor tantu komo solista, i tambe komo miembro di The Miracles, entre 1959 i 1990 no ménos ku setenta hit den Billboard Hot 100. Formando parti di The Miracles di 1955 te 1972, Robinson tabatin dos hit merikano number 1:
The Tears Of A Clown i L
ove Machine, Part 1. Un otro hit grandi di e grupo tabata
The Tracks Of My Tears. Komo artista solista, Robinson a skor hit ku:
Cruisin,
Being With You i
Just To See Her. Na 1987 el a keda inkorporá den Rock and Roll Hall of Fame, i dos aña despues tambe den Songwriter's Hall of Fame. Robinson a skirbi tambe hopi hit pa otro artista, manera
My Girl, un di e númeronan mas kubrí i toká den último sinkuenta aña.
Pa e álbum nobo Smokey & Friends ku lo aparesé den sèptèmber, Smokey ta traha huntu ku hopi wespet konosí manera Elton John i James Taylor. E álbum di duo ta kontené vershonnan nobo di e númeronan konosí di Robinson manera: The Tracks of My Tears i Ain’t That Peculiar.