Dianne Reeves ta ser konsiderá for di final di añanan 80 komo un di e mihó kantantenan di jazz na mundu; un digno ‘susesor’ di Dinah Washington i Carmen McRae. Reeves komo mucha a kuminsá toka piano i finalmente a desaroyá su mes pa bira un intérprete superior di teksto di kansion i kantante ‘scat’ bendishoná. El a eksplorá tambe áreanan pafó di jazz, ta asina ku el a traha ku Sergio Mendes i el a hasi gira ku Harry Belafonte.