E kantante mehikano Luis Miguel ta un di e kantantenan mas popular di Amerika-Latina i hasta el a haña e nòmber di kariño ‘El Sol de México’. El a kuminsá kanta komo profeshonal na edat di 11 aña i el a risibí dia e tabatin 15 aña un Grammy pa su duo ku Sheena Easton, Me Gustas Tal Como Eres (I Like You Just The Way You Are). Entre tantu e tin kaba sinku Grammu i kuater Latin Grammy’s riba su nòmber. Miguel ta konosí pa su álbumnan di produkshon sublime i su presentashonnan bibu ku ta fuerte. E tabata e promé artista ku na Merka a mira su dos álbumnan na spañó bira platina: Romance i Segundo Romance. Ku su giranan e ta surpasá ku regularidat rekòrtnan riba tereno di kantidat di presentashon, kantidat di bishitante i ingreso. Su último álbum tabata Luis Miguel di aña 2010.
