Kizzy McHugh ta un kantante hulandes, aktris i presentadó. El a nase na Rotterdam na aña 1979, pero el a lanta i krese na Kòrsou, kaminda komo mucha el a partisipá na shownan- musikal, di teater i presentashonnan di balèt. El a haña rekonosimentu i atenshon na 1996, despues ku el a partisipá na e Songfestival nashonal i tambe el a representá Kòrsou na e Festival di Kanto karibense, kaminda el a sali de dos finalista. Ela gradua for di e conservatorium Berklee College of Music na Boston. Na Antia Hulandes el a bira konosí ku su hit singel Pia Di Galina i komo presentadó di e programa di mucha na Telecuracao. El a biba un kantidat di aña na Boston , kaminda el a traha komo kantante i presentadó na televishon. Despues ku el a bai bèk Hulanda na 2009, el a firma un kontrato diskero dos aña despues i el a presentá na 2012 su álbum di debut Unspoken Rhyme.