Basista Christian McBride a haña su amor pa jazz i pa e bas na edat hóben: su tata Lee Smith i su tio grandi Howard Cooper, tur dos basistanan konosí di Philadelphia tabata su mentornan. McBride a studia na e famoso instituto Julliard. El a graba i presentá ku hopi leyenda di jazz i grupo manera McCoy Tyner, Herbie Hancock i Pat Metheny, pero tambe ku artista di otro género manera: Sting i James Brown. Promé ku el a hasi kuarenta aña ya el a duna akompañamentu musikal na mas ku tresshen grabashon. Mc Bride ta tambe ko-direktor di The National Jazz Museum na Harlem, New York. Despues di a studia diessinku aña riba big bands, el a eksperimentá i skirbi músika, McBride tabatin bastante material pa saka un cd, pa kua el a pone huntu e mihó músikonan di New York. E resultado tabata The Good Feeling (2011), pa kua el a skirbi seis piesa original. Na 2013 e ta trese su bigband Kòrsou.