Kantante i multi-instrumentalista Raphael Saadiq a nase komo Charles Ray Wiggins i a kuminsá produsí muzik na edat di seis aña. E tabata toka kitara bas den misa i na eventonan lokal i di e manera ei el a haña e smak. Despues di un gira ku Prince, den e banda di Sheila E., realmente el a kuminsá: ku su ruman hòmber i su primu el a forma den añanan ochenta e banda eksitoso Tony! Toni! Toné!. Despues Saadiq a sigui komo solista, ku eksepshon di un gira ku e supergrupo Lucy Pearl. E ta konosí pa su ‘old school R&B’ i el a gana na 2003 un Grammy Award pa su número Love of My Life (Ode to Hip-Hop). Ademas di ta músiko Saadiq tabata masha eksitoso komo produktor; el a traha ku artista manera Mary J. Blige, Joss Stone, John Legend i d’Angelo. Na 2011 su último álbum a aparesé Stone Rollin’, den e mesun aña ei el a toka na North Sea Jazz Festival na Rotterdam.