Caroline van der Leeuw, mihó konosí komo Caro Emerald, na 2009 a pasa den ún pasá bira konosí na Hulanda. El a gradua na konservatorio i tabata traha komo dosente di kanto ora e produktornan Jan van Wieringen i David Schreurs di Grandmono Records a pidié pa e tuma enkargo di e vokalisashon riba un vershon di demostrashon di e produkshon di Back It Up. E disko sengel akí a bira un gran hit, i e susesor A Night Like This a skor mas haltu i a bira un hit mas grandi ainda. Su álbùm di debut ‘Deleted Scenes From The Cutting Room Floor’ a drenta komo number 1 riba e listanan di hit i a keda para asina largu einan ku el a bati e rekòrt anterior di ‘Thriller’ di Michael Jackson. Na Hulanda a bende mas ku 300.000 ehemplar, bon pa seis bes platina. Entre tantu Caro a ekspandé su gira triumfal bastante i e álbùm a sali tambe den henter Europa, Reino Uní i Irlanda, Oustralia i Nueva Zelandia i Sur-Áfrika. Mas den e aña akí por spera su siguiente disko.