Concha Buika ta un kantante spañó, ku ta meskla diferente estilo (flamenco, copla, jazz, rumba, soul) i ku por skuch’é komo vokalista riba pistanan kasero. El a kuminsá kanta i presentá den bar- i klupnan na Mallorca su lugá di prosedensia. Despues el a traha komo imitadó di Tina Turner i The Supremes na Las Vegas, kaminda el a aktua ku Rechelle Ferrell den Klup Blue Note. Despues ku Buika a bai biba na Madrid kaminda el a graba su promé álbùm, ku a karga su propio nòmber. Javier Limón a produsí su di dos i di tres álbùm, ‘Mi Niña Lola’ i ‘Niña de Fuego’. Javier Limón a introdusié tambe na Chucho Valdes, i huntu nan a traha e obra El Ultimo Trago. Ketu bai e ta traha hopi ku Limón; ora e produktor a presentá na North Sea Jazz Festival na Rotterdam, el a busk’ é pa su proyekto: ‘ Mujeres de Agua’ i el a bini ku henter un grupo di kantante. I Buika tabata un di nan.