Entre tur e nòmbernan grandi i e nòmbernan di artistanan ya establesí durante e festival tambe lo tin espasio pa talento nobo. Di e manera akí e artista lokal Levi Silvanie, ku su dushi i suave músika ku realmente ta relahá, lo e mustra i demostrá ku e tin sufisiente kualidat pa bira mes grandi ku tur e grandesanan musikal ku e tin aktualmente rondó di dje.
Levi Silvanie na edat di diesdos aña ya e tabata e drùmer fiho di Duo Gleva i na 2007, despues ku el a kaba skol sekundario, e ta bai Hulanda pa bai studia. E no ta keda atmití na universidat, pero Levi ta disidí ku entregá no tin sentido i e ta kuminsá presentá riba diferente tarima. Den korto tempu Levi a hasi bastante gira musikal i e ta ansioso pa kaba di saka su álbum “Different”komo debutante lo sali pronto.