Despues di 25 aña eksitoso Simply Red ta bai despedí di nos. Komo banda, pasobra kantante solista Mick Hucknall lo sigui su karera profeshonal. “Esei sí tabata un aventura!” asina Hucknall ta mira bèk riba e bintisinku añanan den e banda. Na aña 1985 Simply Red a mira éksito den su pais natal Inglatera, i no muchu largu despues bastante Europeo por a kanta huntu e kansion Money's too tight to mention . Nan próksimo hit, Holding Back the Years, a yega hasta na number 1 na Merka. Nuevo Zelandia, Oustralia, Hapon i Suramérika a sigui despues. “Nunka mi no por a pensa ku mi karera lo a hiba mi asina leu”. Pa tuma bon despedida di tur fanátiko di henter mundu, e banda ta hasi e aña akí un gira di despedida grandioso. Ku komo chèri riba e pudin un presentashon na e promé edishon di Curaçao North Sea Jazz Festival.