Soul alternativo i músika Karibense ta determiná e ambiente di Mulato. E músika ta albergá influensianan di jazz, soul, lounge, músika baliabel elektróniko, pero tambe folklor di Brasil i Antianan. Aki no ta trata di un kombinashon diario.
Mulato ta un inisiativa di JJ Rojer i Ralph Durgaram. Kitarista JJ Rojer anteriormente a traha ku Paquito de Rivera i Wynton Marsalis ku su Lincoln Center Big Band. Ralph Durgaram tabata drùmer di e banda rock The Wrong, el a traha komo produktor na Arcade, pero e tabata aktivo tambe den e esena di baile na Amsterdam. E dosnan akí ta traha huntu for di aña pasá huntu den e formashon Karibense alternativo. Di e proyekto original pronto lo sali e promé CD. Riba e cd akí por tende e kanto fantástiko di Tony Worrel. Tambe perkushonista Peney Saturnino, ku a traha ántes ku Marsalis i Chick Corea ta forma parti di e totalidat akí. Tur dos lo ta tambe riba tarima.