Shuttle bùsnan ta pega pa motibu di tráfiko pisá

Lamentablemente previo na e konsierto di apèrtura di Juan Luis Guerra a surgi un situashon den kua e “shuttle” bùsnan a keda pegá den tráfiko entre e lugarnan di parker i WTC.

Ounke ku e repartishon di bùsnan ta igual ku añanan anterior, tòg un parti grandi di e públiko mester a warda muchu largu pa transporte pa WTC, loke nos ta lamentá profundamente.Nos lo sigurá ku e transporte pa dianan ku ta sigui lo ta optimal i lo ta igual ku añanan anterior.