Primer ola di artista pa Curaçao North Sea Jazz 2026

E prome artista nan pa e proximo edishon ya ta konosí. Na september nos lo duna bon bini na Gente de Zona, Rubén Blades Fotografías Tour with Roberto Delgado Big Band, Toto, Kassav' i Jon Batiste. Pronto lo tin mas notisia tokante e line-up.

Prepará pa baila, pasobra Gente de Zona ta yega Kòrsou. E dúo kubano, ku ta konsistí di Alexander Delgado i Randy Malcom Martínez, a logra fama mundial ku Enrique Iglesias ku e hit Bailando, ku a duna nan premio i gran rekonosimentu. Despues nan a kolaborá ku artista manera Pitbull i Marc Anthony, ku ken nan a saka La Gozadera, un himno di América Latina.

Rubén Blades ta kompositor i kantante, i un di e artistanan latino mas influyente. Su tekstonan sosial i su salsa, ku ta kombiná ku jazz i rock, a duna e hopi premio Grammy. Pa su álbum nobo Fotografías (2025), e ta traha atrobe ku Roberto Delgado Big Band, ku ken e tin un kolaborashon di aña. E repertorio nobo ta perfekto pa un show en vivo.

E banda merikano Toto, fundá na 1977, lo selebrá 50 aña di eksistensia otro aña. Ku un mezcla di pop, rock, soul i jazz nan a traha un base di fanátiko mundial. Nan a saka 14 álbum, bende mas di 50 mion disko i gana varios Grammy. Nan éksitonan ta inkluí Africa, Hold The Line i Rosanna. Awor nan ta bou di liderato di Steve Lukather i Joseph Williams.

Jon Batiste ta kantante, kompositor i multi-instrumentalista ku ocho Grammy, inkluyendo Álbum di Aña pa We Are (2021). El a traha ku artista manera Prince, Stevie Wonder i Willie Nelson, i tabata líder di banda na The Late Show. Su músika ta kombiná gospel, soul, pop i rock, ku e ta mustra riba su álbum nobo Big Money (2025).

Kassav’, fundá na 1979, ta pionero di zouk, un estilo afro-karibe inspirá pa gwo-ka i ti-bwa. Nan a logra éxito mundial i ta hasi gira desde añanan ochenta. Ku mas di binti álbum i hopi disko di oro i platina, nan ta sigui un nombre importante den músika karibe.