Pitbull i Mariah Carey den Curacao North Sea Jazz 2019

Ku masha plaser i gran orguyo organisashon di Curacao North Sea Jazz Festival ta anunsiá e nòmbernan nobo huntu ku esnan ku ya t’ei riba e alineashon eksistente di e presentashon di aña 2019. Djabièrnè 30 di ougustus Pitbull lo habri riba tarima Sam Cooke i djasabra Mariah Carey lo hasi meskos riba e mesun tarima. Ademas lo hasi nan presentashon riba djabièrnè Maxwell, Michael McDonald i Kenny G. Organisashon a agregá na e programa di djasabra nòmbernan di e artistanan David Sanborn i Aloe Blacc. Curacao North Sea Jazz Festival ta start riba djaweps 29 di ougustus ku konsiertonan grátis di: e agrupashon Havana D’Primera i Aymée Nuviola. E karchinan di entrada pa e anochi akí lo keda repartí riba djadumingu 2 di yuni próksimo den Sentro Komersial Sambil.

Pitbull ta un kantante rapero, produktor i kompositor merikano, di origen kubano prosedente di Miami. Na aña 2004, Pitbull a saka su promé álbum, M.I.A.M.I., kaminda el a traha basta bes huntu ku Lil Jon. Entre tanto ya e tin dies álbum riba su nòmber, di kua Climate Change di aña 2017 ta esun di mas resiente. Pa su álbum Dale di aña 2015 Pitbull a risibí un galardón Grammy pasobra esei tabata manera nan ta bisa e  Best Latin Rock, Urban or Alternative Album (E mihó álbum latino di Rock, Urban o sea e Album Alternativo). En total el a bende rònt mundo henter sinku mion álbum i 60 mion di disko sengel mientras el a optené hitnan na promé lugá den 15 diferente país.

Si tin un persona ku no tin mester di ningún introdukshon anto esei sin ninguna duda ta Mariah Carey. E kantante a yega na tòp na aña 1990 ku su enorme éksito Vision Of Love (Vishon di Amor) i su álbum di debut ku ni sikiera tabata tin un título. El a kapta direktamente atenshon di mundu, no por lo menos pa su alkanse di sinku oktaf musikal i su uso di registro di flouta. Carey tabata e promé artista ku su promé  sinku diskonan sengel a alkansá puesto number un riba e prestigioso lista di Billboard. Carey a risibí sinku Galardon Grammy, 19 World Music Awards, dies galardon American Music Awards i 14 galardon Billboard Music Awards. El a alkansá e sifra di benta rònt mundo di mas di 200 mion disko.

E kanto-outor Maxwell tabata infayabel pa e éksito di e  movimentu ‘neo-soul’ ku tabata eksistí na final di añanan 90. Despues ku el a traha su nòmber denter di e escena di klup di Newa York, Maxwell a firma un kontrakt diskero i el a debutá ku Maxwell’s Urban Hang Suite na aña 1996. Ku esaki el a anotá direktamente su promé nominashon pa un Grammy, ku lo a bira e promé di e tantísimonan mas ku lo a sigui. Despues di tres álbum i un pousa di shete aña el a saka  na aña 2009 su álbum  BLACKsummers'night, ku ta e prinsipio di un trilogia di kua e di dos parti,  blackSUMMERS'night, a mira lus di nasementu na aña 2016.

Ku mundialmente mas di 75 mion álbum bendí e saksofonista Kenny G ta e instrumentalista ku hamas un artista por e superá den benta na mundu. El a krese ku e nòmber di Kenny Gorelick den e bario di      Seward Park na Seattle i el a deskubrí e saksofon ora el a skucha presentashon den e famoso i prestigiioso i espektakular The Ed Sullivan Show. Su di seis álbum, Breathless di aña 1992, a bin resultá di ta e álbum instrumental mihó bendí miéntras ku dos años despues su otro álbum Miracles tambe a bin resultá di bira e álbum di Pasku ku hamas por a keda igualá na benta. Gorelick ta hasi su giranan mundial kontinuamente; su último álbum Brazilian Nights a Sali na aña 2015.

David Sanborn ta konstruí for di añanans 80 di siglo pasá brug entre e los géneronan di muzik, i e ta konsiderá komo un di e saksofonistanan mas influyente ku hamas a eksistí. Su energia inkansabel a  manifestá su mes den ocho diskos di oro, un otro disko di platina i seis Grammy’s. Sanborn a toka  saksofon ya for di su huentut i el a saka na aña 1975 su promé álbum komo solista. Taking Off entre tanto ta ser konsiderá komo un outéntiko klásiko di e estilo jazz/funk.

E kanto-outor merikano Aloe Blacc a haña na aña 2010 e públiko grandi ku e éksito di e número musikal I Need A Dollar. Ku otro número musikal Wake Me Up, ku el a kanta i a skirbi huntu ku e dj sueko Avicii, el a skor un hit na aña 2013 na hopi país na mundu i alkansá e promé puesto musikal. Den e mesun aña ei a aparesé tambe su di tres álbum Lift Your Spirit i un disko EP, Wake Me Up. Anteriormente a sali den e  aña ei su disko sengel mas resiente I’m Gonna Sing; tambe por skuch’é riba e disko sengel póstumo ku ta hiba komo título SOS di Avicii.