Mas Artista pa CNSJ 2019: Black Eyed Peas, Earth Wind & Fire y Nicky Jam

Kontentu i orguyoso di por anunsiá ku organisashon a añadí mas artista na su próksimo edishon. Pa djabièrnè 30 di ougùstùs a agregá Black Eyed Peas i Earth, Wind & Fire i pa djasabra Nicky Jam. Lamentablemente Ozuna mester a kanselá su aktuashon.

E eksito grandi di Black Eyed Peas a bin ku e hit Where is the Love? Di e disko di 2003 Elephunk, ku ta nan di 3 disko. E siguiente diskonan, Monkey Business di 2005 i The END di 2009, tabata ainda mas eksitoso i e banda a bira un fenómeno mundial ku eksitonan manera entre otro Shut Up, Don't Phunk With My Heart, My Humps, Boom Boom Pow i I Gotta Feeling. Aña pasá nan a saka nan último disko, Masters Of The Sun Vol. 1.

Despues di 8 aña e banda Earth Wind and Fire ta bolbe Kòrsou. Nan eksitonan inolvidabel di añanan 70 manera Fantasy, September, Boogie Wonderland, After The Love Has Gone i hopi mas ta grabá den mente di hopi.Pa kasi 50 aña e banda di Chicago ta pone fiesta riba esenarionan rònt mundu ku un elenko musikal di dies hende, un sekshon di bras sin presedente i un kombinashon di bos fantástiko; mesklando nan estilo di pòp, disko, soul i funk.

Nick Jam ta un artista regetonero, ku a nanse na Boston i muda bai Puerto Rico na edat di 10 aña. Despues ku un ehekutivo di un diskero a nota su talento, el a haña un kòntrakt i aki su promé disko...Distinto A Los Demás, a sali na edat di 14 aña. Su di 6 disko Fénix, a tres’é mas eksito ainda. E disko tin hit manera El Perdón (huntu ku Enrique Iglesias). El a gana diferente premio: Billboard Latin Music Awards, Latin American Music Awards i Latin Grammy Awards i e tin e rekòrt di e kantante ku mas a graba ku otro artista.