Juan Luis
Guerra i
Kassav’
lo habri
Curaçao
North Sea
Jazz 2016

Den 2016 tambe Curacao North Sea Jazz festival lo ta den grandi ku su konsierto grátis na World Trade Center. Ku hopi orguyo organisashon ta anunsiá ku Juan Luis Guerra i Kassav lo habri e di 7 edishon di CNSJ riba 1 di sèptèmber. Pronto lo publiká mas informashon tokante karchi pa e evento aki.

Pa e faborito di publiko Juan Luis Guerra esaki lo bira su di tres presentashon na e festival. Na 2011 i 2014 e Rei Dominikano di merengue i Bachata a pone tremendo presentashon na Kòrsou, ku te dia djawe nan ta papia di e aktuashonnan ei. E lo deleitá nos ku merengue bachata, interkambiá ku Afro-pop, jazz. Pa mas di 30 aña Juan Luis Guerra ta un di e artistanan Latino.Merikano mas respetá i ku mas akohida ku kualkier otro artista. Mas di 30 mión disko bendé, 15 Grammy, 2 Latin BillBoard Award e ta ketu bai number 1 riba lista di artistanan Latino.

Tambe organisashon ta kontentu ku regreso di Kassav' otro aña den e festival. Tempu ku Pierre-Edouard Décimus i Freddy Marshall na 1979 a introdusi e genero di zouk ku Kassav' , hamas nan por a imaginá nan ku e banda aki lo a bira asina popular. Dor di hinka nan músika popular Carnival den un bachi nobo, ku entre otro influensha di rock, e genero nobo aki a nanse i nan ta tin eksito rònt mundu, di Karibe na Afrika i Sur Oropa. I nan eksito tei te dia djawe. Esei a keda ratifiká na momento ku Kassav a presentá durante e di 2 edishon di CNSJ. E genero di Zouk aki ta super gustá.

Pronto nos lo publiká mas informashon di benta di karchi.