J Balvin i mas nòmber nobo pa nan presentashon na Curaçao North Sea Jazz Festival di aña 2026

Curacao North Sean Jazz Festival di aña 2026 ta sintié orguyoso pa por trese dilanti den nan presentashon, nòmbernan nobo pa su próksimo edishon ku ta inkluí e artista J. Balvin riba djasabra 5 di sèptèmber. Nobo tambe riba e kartel di anunsio di partisipante ta figurá e siguiente artistanan: Alain Pérez i La Orquesta pa presentá riba djaweps 3 di sèptèmber añadiendo Monty Alexander Jamericana i PJ Morton pa duna nan presentashon riba djábièrnè 4 di sèptèmber. Tambe tin konfirmashon pa presentashon di djasabra 5 di sèptèmber di e Ensemble di Al Di Meola, Branford Marsalis i Dianne Reeves ku e presentashon di ‘Celebrate’ ku ta un homenage na John Coltrane i konkluyendo e fecha ei ku Stephen Marley.

Ku mas di, anto superando e kantidat di 35 mion di disko bendí rònt mundu e kantante, J Balvin ta un di e artistanan latinoamerikano ku tin e karakterístika di ta: mas influyente i tambe mas skuchá den i durante di tur tempu. Na midí ku su karera musikal a kontinuá di ta evolushonando pa e bai para den sentro di un movimentu ku a yuda sin ningun duda krea i di ta, un ku lo tabata hiba músika latinoamerikano aínda mas leu ku e fronteranan regional, anto pa kaba di kombertí esei tambe den un bèrdadero tema di kombersashon global. E kolombiano akí, a risibí sinku nominashon pa haña un ‘Grammy i no ménos ku 35 di e asina yamá ‘Latin Grammy’, anto el a gana tambe vários otro premio importante, inkluyendo esunnan di e prestigioso ‘Billboard Latin Music Awards’, anto igualmente ‘Latin Grammys’ i e realmente krusial galardón yamá “MTV Video Music Awards”. Balvin a hunga un papel sumamente importante i determinante den kibra bareranan lingwístiko i duna un sentimentu di tin un siguransa firme i sigur den músika latinoamerikano, pa esei keda mantené den e kultura musikal dominante mundial. E sa ta na kabes di festivalnan ikóniko manera esun afamá yamá “Coachella y Lollapalooza”, anto e ta un di e artistanan mas skuchá riba nos planeta, miénras ku J Balvin ta sigui i e ta kontinuá ku esei, kaminda e por eksponé e músika dominante di Amérika Latino.

Ku un karera musikal di mas di binti aña, e kantante i tambe multiinstrumentista Alain Pérez ta un figura habitual den músika di isla di Cuba. E tin e habilidat di move sin esfuerzo entre e géneronan manera Salsa, Flamenco i Jazz i mester menshoná ku el a traha musikalmente ku artista di nòmber manera Chucho Valdés, Paco de Lucia i Jerry González. Tambe el a produsí pa nòmber manera esun di Celia Cruz. Na aña 2021, el a gana un Latin Grammy relashoná na e Mihó Álbum Tropikal Tradishonal. Ku Alain Pérez y la Orquesta, bo por ta sigur ku e lo ofresé un espektákulo bibu enérgiko yen di ritmo, ku ke òf no ke lo bai obligá su públiko pa no keda sin move, sino pa kuminsá ku baila riba su ritmo, melodía i kompas.

E pianista di e género musikal di jazz yamá Monty Alexander, a nase na siudad di Kingston, kapital di e isla Jamaica, kaminda el a sa di konstruí un karera musikal internacional, ku ta abarká i enserá hopi dékada. E ta un nominá pa risibí Grammy, pa e hecho ku e tin mas di 75 álbum riba su nòmber. E tin e karakterístika di kombiná e género di jazz ku influensianan hamaikino manera: Reggae i Calipso,i además di tur eseinan e ta hasinan tambe ku blues i gòspel. El a realisá vários gira musikal mundial ku un variedat di proyekto anto bo por ta sigur ku Monty Alexander lo akudí na e festival ku su trío, ku ta hiba di nòmber: ‘Jamericana’.

Lantá i kriá den un famia di Gòspel den siudad di New Orleans, PJ Morton tin e klalidatnan di: kantante, kompositor i produktor ku un karera sólido komo solista, además di esei e tin su papel klave for di aña 2010 komo teklista di Maroon 5 . Su álbum di debut ku e título di ‘New Orleans’ (2013) a balor’é na un nominashon pa e por a risibí e Grammy pa e sengel ku e título di ‘Only One’, ku Stevie Wonder i kolaborashonnan di Adam Levine. Su trabou kombiná ku soul, gòspel i pop, algu ku direktamente ta destaká klaramente komo evidensia den su aktuashonnan, manera por skucha tambe den e número musikal, ku ta hiba di nòmber ‘Watch The Sun Live’: The Mansion Sessions (2023).

E legendario guitarista merikano Al Di Meola tambe ta bin toka den e festival pa di promé biaha; anteriormente el a yega di aktua na aña 2013 den un asina yamá ‘ante-sala’ na e establesimento yamá ‘Brakkeput MeiMei’. Di Meola a hasi su entrada artístiko na prinsipio di añanan ‘70 ku e número yamá ‘Return to Forever’ di Chick Corea i el a kombertí su mes den un di e guitarristanan di mas destaká, konosí pa su spesialidat i su virtuosidat kombiná ku su gran melodiosidat. Anke e ta prinsipalmente asosiá ku e estilo jazz fusión, el a eksplorá un variedat mas di estilo den su ekstenso diskografía. Un di su proyektonan mas konosí ta e trío akústico huntu ku John McLaughlin i Paco de Lucía, ku a sa di duna lugá den e influyente álbum yamá: ‘Friday Night in San Francisco’ (1981).

Dos grandi den e género musikal di Jazz ku ta: e saxofonista Branford Marsalis i e kantante femenino Dianne Reeves, ta uni forsa aki na isla di Curaçao. Marsalis a traha ku nòmbernan di taya musikal haltu manera: Art Blakey, Lionel Hampton i Sting, anto e mes a liderá vários di su propio proyektonan. Reeves, ganadó di sinku premio Grammy, ta konsiderá komo un di e kantantenan di jazz mas versátil anto p’esei e ta konta ku un karera musikal ku ta superá e kantidat di kuarenta aña. Huntu nan a graba un álbum komo homenage na John Coltrane, ku pa motibu di su sentenario, esei a inspirá pa e kolaborashon risibí di Johnny Hartman na aña 1963. E proyekto akí ta forma parti di un gira musikal mundial, ku awor tambe lo bin bishitá isla di Curaçao.

Stephen Marley, yu di e leyenda di e género di reggae Bob Marley, a kuminsá su karera musikal na un edat hóben den e grupo ‘The Melody Makers’. Ku e grupo menshoná ei, el a gana un Grammy pa e piesa Conscious Party, entre otro. Awor Stephen ta konta ku no ménos ku ocho premio Grammy riba su nòmber,k omo artista i produktor. Marley a traha ku artistanan manera: Lauryn Hill, Nas i Erykah Badu, miéntras ku tur su otro álbumnan komo solista a para na kabes di e listanan di e género di reggae di e Billboard. Su álbum mas resien, Old Man (2023), ta inkluí entre otro kolaborashonnan ku Eric Clapton i ku su rumannan Ziggy i Damian.