Inner Circle ta kompletá e line-up di Curaçao North Sea Jazz 2019

Ku orguyo nos ta anunsiá ku djabièrnè 30 di ougùstùs Inner Circle lo ta riba Sir Duke stage. E banda ta kompletá e line-up di e di nuebe edishon di Curaçao North Sea Jazz Festival. E programa i skèdjel kompletu ta disponibel.

Innner Circle ta un banda di règui Hamaikino forma na aña 1968. Despues di morto di e kantante prinsipal Jason Miller den un aksidente di tráfiko a  reformá e banda na 1986. E siguiente aña nan a saka nan disko One Way ku ta kontené e eksito grandi Bad Boys. Nan a bolbe graba Bad Boys riba e disko Identified ku a bira e tema pa e seri di Televishon Cops, i tambe pa e pelíkula Bad Boys den 1995, ku aktuashon di Will Smith. Pero te dia djawe nan eksito grandi mes ta Sweat (A La La La La Long) di 1992ku tabata na promé luga den 10 país  I ku den Oropa so a bende mas di un mión disko. E banda ta un ferviente siguidó di músika règui I a yega di aktua ku nòmbernan grandi manera Damian Marley, Stephen Marley, Junior Reid, David Hinds di Steel Pulse I Ali Campbell of UB40.