Lo no tin
Curaçao
North Sea
Jazz
de 2017

Den konsulta Fundashon Bon Intenshon I Mojo Concerts a disidí ku den sèptèmber 2017 lo no organisá Curaçao North Sea Jazz. E Motibu ta ku no tin artista prinsipal disponibel den e temporada ei.

Despues di 7 tremendo edishon ku konsiertonan memorabel e festival ta pas. Pa organisá un festival riba un nivel internashonal bo mester di 2 konsierto ku tòp artista. Hasiendo tur sorto di sondeo a resultá ku pa sèptèmber otro aña nos lo no logra haña e artistanan aki.

Ta birando mas I mas difísil pa logra haña artista den e temporada(wikènt) ei. Ta masha tiki konsierto tin den e dianan ei, i pa trese e artista, su banda, su personal i instrümènt pa un konsierto so, ta algu hopi kostoso.

Fundashon Bon Intenshon I Mojo lo reuni proksimo aña wak futuro di Curaçao North Sea Jazz despues di 2017.