Daddy Yankee lo bai reemplasá Sean Paul

Sean Paul lamentablemente no ta sinti su mes den un posishon pa aktua den Curacao North Sea Jazz Festival komo konsekuensia di su tratamentu médiko despues di un frakshon ku el a risibí resientemente. Komo su reemplaso lo bai aktua e gran strea di reggaeton prosedente di Puerto Rico e kantante Daddy Yankee. Sean Paul ta deseá tur hende presente den e festival tur kos bon i lo e ta den espera pa por presentá pronto pa su gran fanatikada.

Na aña 2004 Daddy Yankee a laga mundu konosé su reggaeton ora el a pone riba merkado su hit internashonal titulá Gasolina. Su álbum Barrio Fino a resultá di ta e álbum latino mihó bendí den e  dékada ei. For di e tempu ei e gran Daddy Yankee a bende mas di binti mion di ehemplar i el a haña   un gran kantidat di premio. Año pasado huntu ku e artista di pop latino Luis Fonsi nan a saka e disko sengel Despacito, ku a bin resultá den un hit mundial i ku a surpasá tur espektativa di benta.