Anthony Hamilton
i Charlie Wilson
ta kompletá
CNSJ 16

Ta ku honor nos ta anunsiá e ultimo dos nòmbernan pa e programa di Curacao North Sea Jazz 2016Met trots kunnen we de laatste twee namen van het programma van Curacao North Sea Jazz 2016. Djasabra 3 sèptèmber Anthony Hamilton i Charlie Wilson lo subi Sir Duke stage.

Anthony Hamilton a desaroyá na edat hóben den un kor di misa pero a keda “e sekreto bon wardá” pa R&. E la haña eksito, ora ku D’Angelo a bai riba gira ku n’e, komo “back-up vocalist”. Su eksito kompleto a yega, na momento ku e la forma parti di e grupo di “hiphop” di Nappy Roots i nan a skor grandi ku e eksito Po’Folks. Di ei pa dilanti e la graba e megahit Charlene di kua nan a bende mas ku 20 mión disko. E ganadó di Grammy di North Carolina semper a aktuá i a produsí ku alma i kurpa i esei bo por skucha tambe riba su mas resiente disko What I’m Feelin’.

Kantante Charlie Wilson a bira konosí komo kantante prinsipal di  the Gap Band, den kua su rumannan Ronnie i Robert ta toka. Ounke ku ta den aña 2010 e banda a stòp, ya for di añanan 90 e la kuminsá su karera komo solista. I ku eksito: nominá na varios okashon pa premio Grammy i na Merka e la skor 8 biaha un hit number 1. Aña pasá Charlie Wilson a grabá su di 6 disko  Forever Charlie ku tambe a keda nominá pa Grammy komo e mihó disko den kategoria R&B. Den mesun aña e la publiká su outobiografia, I Am Charlie Wilson, ku ta un di e bestsellers nan di ultimo tempu.