North Sea Jazz

E North Sea Jazz Festival na Rotterdam ta e festival di jazz bou di dak di mas grandi na mundu. Lesa mas di esaki tokante e historia di e evento.

E promé edishon di North Sea Jazz Festival a tuma lugá na 1976. E festival tabata konosé e tempu ei seis sala di konsierto, treshen músiko i mas o ménos nuebe mil bishitante. Den e promé aña di festival a presentá leyendanan di jazz manera: Sarah Vaughn, Count Basie, Dizzy Gillespie, Stan Getz i un bista kompletu di e jazz avangardista hulandes.

North Sea Jazz Festival a desaroyá su mes den kurso di añanan pa bira un evento internashonal renombrá. Aktualmente e ta risibí kada aña alrededor di setenta mil bishitante. Su di sinku lustro a keda selebrá na 2010 den salanan di Ahoy na Rotterdam.


Den luna di sèptèmber 2010 a selebrá e promé edishon di Curaçao North Sea Jazz Festival. Riba dianan 3 i 4 di sèptèmber a presentá entre otro pa e públiko entusiasmá: John Legend, Simply Red, George Benson, India i Sergio Mendes. E aña akí tambe lo presentá riba e isla tropikal akí diferente artista di jazz, soul, world beat i latin. North Sea Jazz a organisá di 2000 te ku 2004 edishonnan di e festival na Sur Afrika.

Pa informashon adishonal tokante North Sea Jazz festival na Rotterdam mira: www.northseajazz.com