Djaweps 3 di sèptèmber
E actonan aki a wordo confirma. E orario lo wordo anuncia despues.
Alain Pérez y la Orquestra
Ku un karera musikal i fenomenal di mas di 20 aña, e kantante ku ta tambe realmente un multi-instrumentalista yamá Alain Pérez ta bèrdaderamente un fenómeno musikal, ademas di ta tambe un originario indispensabel di isla di Cuba. Ku su kreatividat huntu ku e virtuosidat sin límite, e sumamente versátil Pérez akí, a sa di kombertí su mes den: direktor di orkesta, areglista, produktor i kompositor den diverso género musikal, inisiando for di e género musikal Salsa te na yega na Flamenco i na Jazz. For di su edat di 17 aña, nan a pidié pa e bira e kantante di e tan famoso grupo musikal ‘Irakere’ di un otro genio musikal kubano Chucho Valdés. Pa bai resultá despues di esei, ku Pérez lo a bai traha durante hopi aña ku nòmbernan ikóniko manera esunnan di: Paco de Lucía i Jerry González. Esei mes a logr’é produsí álbumnan di artistanan grandi di renombre manera esun di e inolvidabel Doña Celia Cruz i Habana Abierta. Pérez a keda nominá na un kantidat di biaha pa risibí un asina yamá ‘Latin Grammy’ [Grammy latino] anto el a logra saka provecho di e premio prestigioso ei, na aña 2021 den la kategoría di e ‘Mihó Álbum Tropikal Tradishonal’. Ku e energía kandente di Alain Pérez huntu ku ‘E Orkesta’, bo ta imaginabu ta bailando bou di firmamentu di e kalor humano kubano, yená ku e abundansia di notanan musikal ku un sabrosísimo sabor di e úniko i spesial “Baile i Kanto kubano’, kaminda bo mes ta imaginabu kon lo bo ta bailando bou di streanan di e firmamentu di e mundialmente famoso klup nokturno kubano ”TROPICANA” den siudat di la Habana ayá na Cuba aki riba isla di Kòrsou.
Gente de Zona
Preparabu de lo mejor, tantu mental- komo físikamente dor di bisti bo sapatu di bailadó, pa e motibu ku realidat di tur bèrdat ta eksigí ku e agrupashon musikal ‘Gente de Zona’ ta yegando nos isla Kòrsou! E dúo kubano akí, ku ta konsistí di entre otro e músikonan Alexander Delgado i Randy Malcom Martínez. E grupo menshoná akí, a keda fundá na aña 2000 na siudat di La Habana pa Delgado, ku tabata konosé ya kaba vários i diferente okupashon musikal anteriormente, promé ku Martínez a keda inkorporá den e agrupashon na aña 2013. E mes tabata toka anteriormente ku e ya famoso i popular agrupashon musikal ‘Charanga Habanera’. Nan dos huntu a sa di logra alsa Gente de Zona na un nivel mas superior aínda; espesialmente despues di nan kolaborashon ku Enrique Iglesias, pa trese i presentá orguyosamente e ‘mega hit’, ku tabata hiba di título:“Bailando”, ku a kaba di keda koroná i premiá ku un Latin Billboard Award, anto ku a bin duna un resultado na mes momento, di favoresé nan tambe ku un popularidat fenomenal i sin igual. Seguidamente nan a traha ku berdaderamente un variedat di artista famoso manera Pitbull i Marc Anthony. Ku esun último menshoná akí, nan a sa di skor seguramente i anotá nan mayor éksito te e día di awe, ku tabata hiba e título di ‘La Gozadera’, ku tur rason na mundo a keda deskribí i anotá komo e himno nashonal i ofisial di ‘Amérika latina’.
