Djaweps 28 Ougùstùs
E actonan aki a wordo confirma. E orario lo wordo anuncia despues.
Gilberto Santa Rosa
Gilberto Santa Rosa, ku su nòmber di kariño i konosí mundialmente komo: "El Caballero de la Salsa", ta direktor di orkesta i tambe un kantante portorikeño di e género musikal tantu di Salsa komo di Bolero. El a lanta i krese ku Salsa di añanan 50 i 60, den kua el a kuminsá aktua tambe den i durante su temporada di adolesensia den kua el a inisiá i establesé su karera musikal di kantante di fondo, promé ku el a bira e asina yamá i pa e keda titulá komo: e “Gran Kantante Prinsipal” ku un variedat musikal grandi kompañá pa vários orkesta di gran renombre i popularidat musikal. Santa Rosa a sa di desaroyá su estilo úniko i propio, pa di tal forma e por a sigui kanta su ‘Salsa Tropikal’ huntu ku i kompañá pa su tono i timbre di bos spesial, ku tabata kai mashá na agrado danki na su ritmo melodioso ku tabata karakterisá di ta di un kalidat sumamente romántiko. El a estrená i ku esei el a hasi tambe su debut diskográfiko komo solista durante añanan 80 den kua el a lansa un gran kantidat di algun álbum eksitoso pa su mundu di fanátiko di e álbumnan, ku tabata hiba e títulonan di: La Salsa Perspectiva (1991), Esencia (1996) i Auténtico (2004), ku tabata kontené algun di su kansionnan, ku a bin resultá den éksitonan musikal mundial i di goso inmenso. Entre otro el a gana seis premio ‘Grammy’, miéntras ku el a alansá un benta di mas di tres mion disko na Merka i Puerto Rico, anto sin ni sikiera menshoná mes esunnan bendí na paísnan latino òf e paísnan ku habitante latino. Su dos último álbumnan, ku tabata hiba komo título: “Debut y Segunda Tanda, Vol. 1 di aña 2022, anto esun álbum ku a siguié yamá: “Debut y Segunda Tanda, Vol. 2, ku a sali na benta den kurso di aña 2024..
Kool & The Gang
Kool & The Gang ¡Sòru pa Boso ta Prepará” pues, pa despues boso ta kla pa bai: “Baila òf Balia” kon ku boso ke, boso por bis’é, pasobra e banda musikal ei, definitivamente lo ta presente akí na Kòrsou! Ku e palabra akí nos ta papiando efektivamente di e berdadero banda musikal ei mes yamá: “Kool and The Gang”. E banda musikal menshoná a keda formá den añanan 60, na momento ku rumannan Robert i Ronald Bell kier a kuminsá ku un banda na nan kas den estado di New Jersey huntu ku algun amigu. Nan a kuminsá komo un banda di Jazz instrumental, pa despues nan sigui eksplorá hopi otro estilo musikal i tambe ku nòmbernan pa duna e banda, promé ku nan a kaba di disidí pa batisá e banda ku e nòmber di: “Kool & the Gang” loke finalmente a sosodé na aña 1969. Aunke ku nan a optené algu di fama ku nan di kuater álbum, anto ku na mes momento nan kansion ku e título di: “Open Sesame” a aterisá gloriosamente den e banda, ku tabata okashoná pa laga e piesa yamá: “Saturday Night Fever” i lag’é zona konstante- i fuertemente tur kaminda a bira un hecho. E bèrdadero avanse musikal a yega i a presentá su mes na momento, ku nan a kontratá un kantante prinsipal real i nan a kuminsá toka i musikalisá e “Pòp konvenshonal”, ku tabata pega i keda pegá tambe den orea di henter nan fanátikada. E piesanan sengel di éksito sin igual, ku tabata sigui tabata hiba di título: Ladies' Night, Celebration, Get Down On It, Let's Go Dancin' (Ooh La La La), Joanna, Cherish..Esakinan sin duda a kaba di kombèrtí e banda den un di e bandanan prinsipal den e género musikal di: ‘funk/disco’ for di i durante final di añanan 70 kedando asina te den meimei di añanan 80. Kool & the Gang ta sigui pone tur hende riba pista di baile, anto e hendenan ei, ta baila mes nan ta baila sin ke stòp. Den aña 2024, e banda akí a keda inkluí den Salon di Fama pa honra i representá e género musikal di “Rock & Roll”.
