Djabièrnè
30 Ougùstùs

Pitbull

Armando Christian Pérez ta mas bien mihó konosí komo Pitbull (i tin bes tambe komo Mr. Worldwide òf komo Mr. 305), kaminda el a mira tempran den Celia Cruz i Willy Chirino komo inspiradornan pa su kareda musikal. Pitbull ta un kantante rapero, produktor i kompositor merikano, di origen kubano prosedente di Miami. Na aña 2004, Pitbull a saka su promé álbum, M.I.A.M.I., kaminda el a traha basta bes huntu ku Lil Jon. Den kurso di su karera musikal el a risibí hopi kooperashon ku nòmbernan di artistanan grandi manera: Enrique Iglesias, Jennifer Lopez, Usher, Shakira, Christina Aguilera, Chris Brown i Ke$ha ku ken el a skor e éksito monstruoso ku a hiba e título di Timber . Awendia ya e tin dies álbum riba su nòmber, di kua Climate Change di aña 2017 ta esun di mas resiente. Pa su álbum Dale di aña 2015 Pitbull a risibí un galardón Grammy pasobra esei tabata manera nan ta bisa e  Best Latin Rock, Urban or Alternative Album (E mihó álbum latino di Rock, Urban o sea e Album Alternativo). En total el a bende rònt mundo henter sinku mion álbum i 60 mion di disko sengel mientras el a optené hitnan na promé lugá den 15 diferente país. 

Kenny G

Ku mundialmente mas di 75 mion álbum bendí e saksofonista Kenny G ta e instrumentalista ku hamas un artista por e superá den benta na mundu. El a krese ku e nòmber di Kenny Gorelick den e bario di Seward Park na Seattle i el a deskubrí e saksofon ora el a skucha presentashon den e famoso i prestigioso i espektakular The Ed Sullivan Show. Na edat di diez aña el a kuminsá toka riba su mes. Gorelick a kuminsá na aña 1976 komo músiko profeshonal den e agrupashon di Barry White‘s Love Unlimited Orchestra i e tabata traha ku e banda funk Cold, Bold & Together di Seattle i tambe ku Jeff Lorber Fusion promé ku el a sigui komo solista. Su di kuater álbum Duotones, tabata kontené e éksito musikal Songbird, loke a hasié bira un strea i a perkurá pa nan pidié pa duna un aporte na e álbumnan di Aretha Franklin, Whitney Houston i Natalie Cole. Su di seis álbum, Breathless di aña 1992, a bin resultá di ta e álbum instrumental mihó bendí miéntras ku dos años despues su otro álbum Miracles tambe a bin resultá di bira e álbum di Pasku ku hamas por a keda igualá na benta. Gorelick ta hasi su giranan mundial kontinuamente; su último álbum Brazilian Nights a Sali na aña 2015.

Maxwell

E kanto-outor Maxwell tabata infayabel pa e éksito di e  movimentu ‘neo-soul’ ku tabata eksistí na final di añanan 90; huntu ku e koleganan artista manera Fugees i Erykah Badu, el a krea i funda un género musikal kompletamente nobo . Despues ku el a traha su nòmber denter di e escena di klup di New York, Maxwell a firma un kontrakt diskero i el a debutá ku Maxwell’s Urban Hang Suite na aña 1996. Ku esaki el a anotá i skor direktamente su promé nominashon pa un Grammy, ku lo a bira e promé di e tantísimonan mas ku lo a sigui. Despues di tres álbum i un pousa di shete aña el a saka  na aña 2009 su álbum  BLACKsummers'night, ku ta e prinsipio di un trilogia di kua e di dos parti,  blackSUMMERS'night, a mira lus di nasementu na aña 2016.

Michael McDonald

E hòmber ku tin un di e bosnan mas rekonosibel na mundo ta bini isla di Kòrsou! E zonido di e bos inkomparabel di Michael McDonalds yen di soul, por ser rekonosé tur kaminda, sea ku ta ku su mes banda ku kua el a skor éksitonan musikal, komo parti di su dos bandanan konosí o komo músiko di seshon. McDonald a kria i krese na Missouri i tabata toka aya den bandanan lokal, promé ku el a kambia kas bai biba na prinsipio di  añanans ’70 den siudat di Los Angeles. Na aña 1974 el a bira miembro di Steely Dan, pa despues bai integrá den e agrupación Doobie Brothers. Siendo kantante, teklista i kompositor el a kontribuí na e éksitonan musikal manera Takin’ It To The Streets, It Keeps You Runnin’ i What A Fool Believes. Den añanan ’80 i ’90 el a anotá éksitonan komo solista ku piesanan manera Sweet Freedom i dos dúo legendario: On My Own ku Patti LaBelle i Yah Mo B There ku James Ingram. E bos tan yamativo i remarkabel di McDonalds a kontribuí di tur manera pa kombertié den un di e músikonan di seshon mas solisitá; el a kolaborá den e grabashonnan di e álbumnan di streanan manera: Aretha Franklin, Elton John i Toto. E tin sinku Grammy’s riba su nòmber; su álbum mas resiente Wide Open a mira lus di nasementu na aña 2017