Djasabra
1 di sèptèmber

Christina Aguilera

Christina Aguilera ta un kantante kompositor ganadó di Grammy Award , ku ta konosí pa su bos fuerte i pa su éksitonan. Durante su karera e la bende mas ku 43 mion disko mundialmente. Aguilera tin 5 éksito number 1 riba Billboard Hot 100, i ta entre e tres damanan ku den tres desienia konsekutivo ta logra penetrá drenta puesto haltu(añanan ‘90, ‘00 i ‘10). E la gana 6 Grammy Awards, entre kua un Latin Grammy Award. Tambe e tin su strea riba Hollywood Walk of Fame i e ta tin e honor komo úniko artista bou di 30 di aparesé riba e lista di Rolling Stone magazine, ku e 100 kantantenan di mas grandi di tur tempu. Na 2011 Christina Aguilera a drenta mundu di televishon komo coach den e programa The Voice, e programa di NBC nominá pa Emmy Award. Aguilera a sigui usa su bos pa e bon kousa. For di 2009 e ta internashonalmente portabos di Yum! Brands' World Hunger Relief i a yuda rekoudá mas di 150 mion dòler pa e programa mundial di kuminda i otro instansianan pa kombatí hamber. 15 di yüni su di 6 disko Liberation lo sali, pa kua for di awor por hasi pedido.

Carlos Vives

E kantante kolombiano, kompositor i aktor Carlos Vives a bira famoso komo strea den telenovelanan kolombiano i portorikeño. Aunke ku ya na edat hóben el a saka  tres álbum ku balada, musikalmente el a bira popular despues di haña un ròl na televishon di e papel di e kompositor di vallenato Rafael Escalona. El a kanta e piesanan den e mesun serie aki i el a haña ku e dos pistanan original di sonido di e serie a bira éksitonan nashonal. Despues di esaki a bai e masha bon mes ku su kareda musikal. Na 2001 el a risibí pa su álbum Déjame Entrar su promé Grammy Award dor di ta e mihó Traditional Tropical Latin Album (Album tropikal tradishonal latino). Vives ta kombiná vallenato tradishonal ku elementonan di rock i e ta sigui saka álbum eksitoso. Ademas e ta hasi regularmente gira i e ta usa su eksperensia i konosimientu komo guía den e vershon kolombiano di The Voice. Na 2017 el a saka su di 15° álbum Vives, ku tin riba dje e éksito La Bicicleta, huntu ku e kantante femenina Shakira. 

Grace Jones

Ku éksitonan grandioso manera Seen That Face Before, La Vie En Rose, Pull Up To The Bumper i To The Rhythm Grace Jones tabata esun ku indudablemente tabata definí den añanan ’80  músika pòp i tambe  dancescene (esena di baile). Danki na e video klepnan ku semper a kompañá e diva akí ku a nase na Jamaica i ku semper tabata  presente riba pantalla di e programanan di televishon MTV. Tambe el a aktua den pelíkulanan manera A Vieuw To A Kill (James Bond) i a duna inspirashon na e artista Andy Warhol. Ku su ‘look’ andrógina i un mirada mortífero e tabata di gran influensha riba artistanan manera Annie Lennox i tambe e artista Lady Gaga. El a hasi anotashonnan tres aña pasá den su autobiografía I’ll Never Write My Memoires tokante su bida ku tabata kontené hopi agitashon i konmoshon. Su último álbum Hurricane ta data ya for di 2008, pero loke Jones no ta hasi ta sinta ketu: di e manera akí el a hasi un gira zomer pasá pa partisipá na  festivalnan europeo i el a traha na aña 2017 huntu ku e banda virtual britániko Gorillaz. Definitivamente e kantante/aktris/supermodelo/íkono di estilo Grace Jones te ainda  no a skirbi e último kapítulo.

CeeLo Green

E kantante CeeLo Green nos konosé mihó komo artista solista, aunke tin bastante fanátiko ku gran plaser ta mira bèk na e tempu kaminda el a bira famoso komo e parti mitar di Gnarls Barkley; i e otro parti mitar ta e produktor famoso Danger Mouse. E piesa Crazy a logra pone e duo di soul akí riba mapa musikal na aña 2005; e éksito monstruoso akí ku a keda koroná ku un Grammy i entre tanto tin su propio página Wiki ku ta mas largu ku un di kualke artista! Aunke ku ofisialmente Gnarls Barkley nunka a keda eliminá i desolvé, su di dos i último álbum tin e fecha di for di dies aña pasá. Ku su zonido di bos i timbre  altu ku ta algu úniko CeeLo Green a demostrá for di e fecha ei ku e por para riba su mes pianan, loke ta duna testimonio den su disko sengel ku a resultá den un éksito musikal rotundo titulá Fuck You! (2010), i ku esaki el a alkansá puesto number un riba e lista di e mihó kuarentanan di Hulanda.  

KC & The Sunshine Band

KC and the Sunshine Band ta un asina yamá banda merikano di estilo ‘disco’ – i banda di estilo funk ku a haña su nòmber di  fam di e fundadó Harry Wayne Casey (KC) i ku e nòmber di kariño di e estado di kas esta Florida (the Sunshine state; e estado kaminda solo ta bria). Despues ku nan a debutá na aña 1973 e banda a bira konosí i tambe popular  ku vários número ku a bin resultá di bira  éksitonan rotundo, entre otro That’s The Way (I Like It), (Shake,Shake,Shake) Shake Your Booty, Keep It Comin’Love, Get Down Tonight, Please Don’t Go i Give It Up. Nan tabata e promé akto despues di e banda ingles The Beatles na aña 1964 ku denter di un periodo di diesdos luna a anotá kuater promé puesto di disko singel den e kategoria di pòp.

Burt Bacharach

Kasi henter mundu konosé konsientemente o inkonsientemente un kansion skirbí pa Burt Bacharach. E maestro kompositor a komponé mayoria di su klásikonan huntu ku e skirbidó di teksto Hal David. Piesanan manera Walk On By, What The World Needs Now Is Love i I Say a Little Prayer ta un muestra chikitu di e repertorio grandioso di e leyenda bibu.

Michel Camilo Trio

Pianista i kompositor Michel Camilo, mirá pa hopi hende komo e embahador di jazz latino ya tin basta tempu ta move den muzik. E ta prosedente di un famia musikal kaminda el a kohe pa toka primeramente akordeon, pa despues mustra un interes pa piano di su tawela. Na edat di sinku aña el a komponé su promé kansion,. Ora el a yega edat di 25 Camilo a muda di República Dominicana pa New York kaminda a lanta e interes pa muzik di jazz. Den añanan 80 el a kosechá  tantu éksito komersial komo elogio pa su dominio pa e teklado virtuoso di piano. Despues di esei a sigui hopi konsierto riba tarimanan prestigioso i na 2003 el a risibí un premio Grammy pa su álbum Live At The Blue Note.  Camilo realmente ta un lisimbein musikal, e ta alkansá halturas ekstremada den un okupashon di un gran orkesta, pero tambe durante su resitalnan como solista i ku su trio ku kua e ta bishitá Kòrsou.