Kantante i kompositor Lionel Richie apénas mester di introdukshon: el a bende riba henter mundu mas ku 100 mion álbum i el a haña premionan musikal prestigioso manera Grammy Awards, American Music Awards, un Golden Globe i un Academy Award. Su karera a kuminsá ku the Commodores, un banda di studiante ku a krese bira un mashin di hit. Richie a skirbi hopi di e hitnan manera: Three Times A Lady, Brick House, Sail On i Easy. Na kuminsamentu di añanan ochenta el a saka su promé álbum komo solista i el a skor su so hopi hit manera: All Night Long, Hello, Say You Say Me i Dancing On The Ceiling. Na 2012 su último álbum Tuskegee a sali ku mesun nòmber di e pueblo di Alabama di kaminda el a nase. E aña akí e ta biaha rònt mundu ku su gira All The Hits All Night Long i nos ta kontentu despues di e éksito di 2010 di por yam’ é bon biní na e festival.