Djabièrnè
30 Ougùstùs

Gladys Knight

Aunke ku Gladys Knight, ya ta bai hasi 15 aña kaba, ku e tabata hasiendo su gira di despedida, sin embargo e Emperatris di Soul a kontinuá ku su musikalisashon te día di awe manera un trein ku no sa stòp. Su karera musikal ta largu: na edat di shete aña el a resultá ganadó apsoluto di un konkurso di talento na televishon i den su añanan di adolesensia su fama a krese mas tantu aínda ku su banda The Pips. Despues ku den añanan ‘60 i ‘70 nan a kosechá mundialmente hopi éksito manera I Heard It Through The Grapevine i Midnight Train To Georgia. [ Mi a tendé via via i E Trein di mei anoche pa bai Georgia] Knight a kuminsá den añanan ‘80 un karera eksitoso komo solista, den kua entre otro ta resaltá e kansion di e pelíkula di James Bond ku ta hiba di título: License To Kill. [Lisensia pa Mata] El a saka desena di álbum anto el a inisiá además proyektonan di: aktuashon, komersialisashon i di obranan di karidat. Pero tòg, el a sa di retorná semper pa su músika; den su último álbum di (gòspel) ku ta hiba di título: “Where My Heart Belongs” [Kaminda mi Kurason ta pertenesé] e agrupashon The Pips tabata forma di nobo parti di e elenko den e proyekto akí. Knight a pone riba su nòmber e kantidat di shete Premio di kategoría Grammy kompañá pa e inkontabel otro premionan, miéntras ku na aña 2022 el a optené e premio di: Kennedy Center Honors (E Honornan di Kennedy Center)

Gregory Porter

Ku su sonrisa koutivadó kompañá pa su bos generoso di barítono, Gregory Porter sin hasi muchu esfuerso, ta gana simpatía di e salanan di su presentashon. Aunke el a optené un beka ku tabata basá riba su talentonan di “futbòl merikano”, el a yega di traha algun bes tambe komo kòki, el a disidí – pa nos suerte – di bai dediká su mes pa tempu kompletu na e arte di kanto. Su promé dos álbumnan a sòru pa e haña dos nominashon Grammy. Pero ta ku su di tres álbum ku e título, Liquid Spirit [Spíritu Líkido] di aña 2013, el a pensa ku ta esaki tabata e éksito bon meresí i tambe su promé Grammy Award. El a risibí un otro mas pa esun ku a siguié, ku tabata hiba komo título Take Me To The Alley [Hibami na un hanchi] di aña 2016. Porter ta konsiderá Donny Hathaway, Bill Withers i Nat King Cole komo su influencianan i su influenciadónanan mas importante i p’esei su siguiente álbum ku tin nòmber di Nat King Cole & Me.[Nat King Cole i Ami ] di aña 2017, no era nada mas ku un homenage respektuoso na e último señor menshoná. Su mas resiente álbum ta di aña 2021; Still Rising [Ketu bai subiendo] konteniendo piesanan nobo, e ‘covernan’ {e kubridónan}, e duètnan i un selekshon di su propio favoritonan.

Juan Luis Guerra 440

Músiko, kantante, kompositor i produktor Juan Luis Guerra, ta un di e artistanan mas famoso i tambe ku e mihó resultadonan optené di benta den tur e artistanan latino. Ku éksito el a pasa e kursonan di músika ku el a sigui tantu na República Dominicana ku ta su país natal, komo na e instituto di renombre mundial yamá ‘Berklee College of Music in Boston’[Kolegio di Músika Berklee na Boston]. Durante su añanan di musika el a bende vários mion di álbum, miéntras el a risibí kantidatnan inkontabel di premio; entre otro e premionan tan distinguí manera: e Grammy Awardnan Latino, Galardonnan di Grammy inkluso e Premio di Billboard Latino. Juan Luis Guerra ta konosí i tambe rekonosí komo un favorito real di públiko, loke ta e motibu prinsipal pa a manda invit’é mas ku un bes p’e bin duna un presentashon den festival, den kua el a sa di superá su mes kada bes atrobe, loke ta hasi su presentashon bira un bes mas un rekuerdo inolvidabel. Ku su sonido kontagioso di Merengue i Salsa ku Bachata mesklá i despues ku otro meskla di: Afropop, Jazz i Folk lo bai bira ‘un mishon imposibel’ pa keda para ketu sin move kaminda bo ta! Su último álbum ku ta hiba e título, “Radio Güira”, a mira lus di día aña pasá.

Marc Anthony

Kantante, kompositor, produktor i aktor di sine Marc Anthony ta e artista di salsa ku sin duda su produktonan ta esunnan mas i mihó bendí rònt mundu. El a nase na New York komo yu hòmber di mayornan Portorikeño i ya for di chikí e tabata gana plaka ku su kantamentu. Despues ku el sa saka na aña 1991 su promé álbum ku tabata hiba di nòmber When The Night Is Over [Ora Nochi Pasa] huntu ku Little Louie Vega, tabata realmente dos aña despues ora ku e álbum Otra Nota a sali ku a pon’é di puru bèrdat riba mapa komo kantante di Salsa. Anthony a saka diferente otro álbum na spañó promé ku na aña 1999 el a kuminsá logra kosechá éksitonan grandi internashonalmente promé ku el a logra hasi su mes konosí den e koriente prinsipal ku e álbum Marc Anthony. Den su karera artístiko el a risibí realmente un gran eskala di: Grammy’s, Latin Grammy’s i un kantidat di otro premio prestigioso ku a indusié pa amplia su tereno di trabou pa drenta den e ramo di: aktuashon, e mundu di komèrsio i komo filántropo. Na aña 2022 a sali su di nuebe álbum Salsero ku su títuloPa’llá Voy, [T’aya mi ta bai] un produkshon ku el a realisá huntu ku su kompañero di trabou Sergio Mendes, e persona ku ya pa basta aña e ta trahando kuné.

Seal

Mei mei di e époka di músika Rock di Nirvana i Guns N’ Roses, na prinsipio di añanan ’90; Seal ku su bos di felpa, tabata hasi manera ta tóver e ta tóver ku e kansionnan den e género di músika Pòp ku tabata hiba e títulonan manera: Killer, Crazy y Kiss From A Rose [Asesino, Loko i Sunchi di un Rosa] den e listanan di éksitonan musikal. Sealhenry Olusegun Olumide Adeola Samuel, su nòmber ku el a haña na okashon di su boutiso di su mama nigeriana i su tata afro-brasileño; tabata algu kasi imposibel pa bo no por imaginabu ta waknan sintá dilanti di MTV, kaminda atentamente nan tabata wak ku nan lo mester bai risibí algun premio den e kategoría Grammy-, Brit- i MTV Awards. Sin embargo Seal no ta ni por lo mínimo un bos prosedente di pasado; ademas di su 30 mion di álbum musika origina l bendí, el a sa di generá den e époka digital akí un miar di ‘streams’ o sea ‘korriente’. For di aña pasá e ta selebrando su karera musikal di mas di 30 aña, ku un gira mundial ku ta drei rònt di sus álbumnan klásiko Seal (1991) i Seal II (1994). E shownan espektákular ta tumando lugá bou di direkshon musikal di Trevor Horn, ku ta e persona ku e tempu ei a tuma rienda den su di man produkshon di e diskonan.

Judith Hill

Judith Hill ta un kantante femenino merikano, kompositora i pianista. E ta yu muhé di dos músiko profeshonal i tambe e ta un di e kantantenan di fondo di su generashon, di e manera ei lo por a mir’é den e dokumental ‘20 ‘Feet From Stardom’ [Na binti pia di Estrellato”] ku ta trata di e kantantenan di fondo altamente rekerí ku masha frekuensia. E tin e kustumber di kompañá artistanan manera Robbie Williams, Rod Stewart, Anastacia, Prince i Michael Jackson, sin embargo el a sa di edifiká na mes momento un karera profeshonal maravioso i eksitoso komo solista. Su piesanan original a keda usá den e pelíkula di Spike Lee, Red Hook Summer [Verano di Hak Kòrá] di aña 2012 miéntras ku su álbum di debut, Back In Time [ Bèk den Tempu] di aña 2015, tabata un produkshon di Prince, loke a keda grabá den su propio studio di grabashon ku e nòmber di Paisley Park-studio. Hill tabata kandidata den The Voice na aña 2013 i tambe pa e programanan di ante-sala huntu ku ;Josh Groban i John Legend. Judith Hill su álbum nobo titulá: Letters From A Black Widow, [kartanan di un Viuda Pretu] ta planeá pa sali na luna di aprel.