Den no ménos ku kuater aña Gregory Porter a krese bira un di e vokalistanan di jazz di mas grandi na mundu. I esun ku a mira aktuashon di e gigante amabel akí, ta komprondé direktamente pakiko. Porter ta yena su númeronan di soul ku jazz i blues, su manera desarmá di kanta i su baritòn presioso ta sòru pa rèspèt i emoshon. Pa su álbum Liquid Spirit di aña 2013 el a gana aña pasá e Grammy Award pa mihó Jazz Vocal Album. Esei tabata su di tres álbum ku su promé dosnan Water (2010) i Be Good na 2012, el a skor espesialmente na Hulanda. Na Kòrsou el a yega di duna un presentashon na Brakkeput Mei Mei promé ku e festival ‘real’ kuminsá.