New Cool Collective a lanta na 1994, ora e saksofonista hulandes Benjamin Herman a kuminsá eksperimentá ku dj Graham B den e naitklup Soul Kitchen na Amsterdam. E kolaborashon úniko di e tempu ei entre músiko i dj a desaroyá bira un formashon di ocho hende ku ta sinti su mes aktualmente mesun na kas den klup komo na festival. New Cool Collective ta toka un meskla di jazz, dance, latin, salsa, afrobeat i boogaloo i te na e momentonan akí a saka te ainda seis álbum. Ademas di Herman e banda ta konsistí di guitarista Anton Goudsmit, drùmer Joost Kroon, perkushonistanan Frank van Dok i Jos de Haas, pianista Willem Friede, basista Leslie Lopez i trompettist David Rockefeller. Pa aktuashonna bou di nòmber di New Cool Collective Big Band e konhuntu ta keda ekstendé te diesnuebe miembro di banda.