CHIC ft. Nile Rodgers, Marc Anthony i Eros Ramazotti presente na Curaçao North Sea Jazz 2024

Ta ku gran orguyo i ku plaser inmenso nos tin e honor di anunsiá e promé nòmbernan di e artistnan ku lo partisipá den e di dos lustro o sea e di dies edishon di Curaçao North Sea Jazz Festival.

E festival ta inisiá habriendo riba djaweps 29 di ougùstùs ku CHIC presentando Nile Rodgers. Djabièrnè 30 di ougùstùs e siguiente artistanan lo ta riba tarima presentando: Gladys Knight, Gregory Porter, Judith Hill, Marc Anthony i Seal dunando nan presentashonnan riba e tereno di festival na World Trade Center na Piscadera Bay. Pa djasabra 31 di ougùstùs Eros Ramazzotti, Lizz Wright, Matteo Mancuso ya a konfirmá nan presensia kaba. Nos organisashon ta ketu bai insesantemente den kontakto i deliberashon kontinuo ku distinto otro artista. Nos lo anunsiá eseinan den kurso di próksimo lunanan. Benta di karchi pa Curaçao North Sea Jazz 2024 Festival lo start riba promé di aprel.

Nòmber di e guitarista, kompositoir i produktor Nile Rodgers lo keda pa semper konektá i ligá na e éksito tambe na un serie mundial den e género di músika konosí komo ‘disco’ di Le Freak ku su banda CHIC, pero el a skirbi i produsí entre tantu un serie enorme di hit pa hopi otro artista. Rodgers a risibí aña pasá adishonalmente dos Grammy pa su obra ku el a desplegá den kreashon di e álbum di Beyoncé titulá Renaissance.

Leoni Torres ta un kantante kubano, outor di letra i tambe produktor. Su promé álbum ku tabata hiba di título Bajo La Piel a mira lus di día na aña 2007. Torres ta meskla Pòp-latino tradishonal ku Latinpop moderno i de bes en kuando e ta manera traha un tela di Salsa i Reggaeton i e ta pasa nan a traves di su estilo di músika. Ademas di risibí premio pa su propio músika, el a kai den premio pasobra e tabata e kompositor di e kansion :Traidora, e éksito musikal di ‘Gente de Zona & Marc Anthony’ na aña 2015.

E karera profeshonal di Gladys Knight, ku yabatin e nòmber di kariño “Empress of Soul” (Emperatris di Soul) ta largu: na edat di shete aña el a gana un konkurso di kanto na televishon, miéntras ku ya den su añanan di adolesensia ta manera ya el a bira famoso ku su banda The Pips. Despues ku den den añanan  ‘60 i ‘70 e tabata anotá mundialmente hit tras di hit ku e títulonan I Heard It Through The Grapevine i tambe Midnight Train To Georgia, Knight a kuminsá den añanan ’80 un karera eksitoso komo solista poniendo shete Grammy i un kantidat inkontabel di otro premio riba su nòmber i el a optené na aña 2022 ademas di tur premio esun honorabel yamá: “Kennedy Center Honors”.

Ku su smail akogedor i atmirabel, kompañá pa su bos di barítòn, sin muchu esfuerso mas ya Gregory Porter tin salanan kompletu den su gara. Su promé dos álbumnan a brind’é pa kada un un nominashon di Grammy, pero ku su di tres álbum titulá Liquid Spirit di aña 2013, el a haña realmente e éksito bon meresí i ademas su promé Grammy. Su úlbum mas resiente a mira lus di día na aña 2021; Still Rising ku ta kontené piesanan nobo , ‘covers’ , duèt i un selekshon di su propio piesanan favorito.

Judith Hill ta un kantante, kompositora i pianista merikano. El a kompañá artistanan di taya manera Robbie Williams, Rod Stewart, Anastacia, Prince i Michael Jackson, pero komo solista tambe el a logra di edifiká un karera eksitoso. Su álbum komo debutante Back In Time di aña 2015, a keda produsí pa Prince i grabá en su mes studio di grabashon Paisley Park-studio. Su álbum nobo, Letters From A Black Widow, ta planeá pa sali den luna di aprel.

Kantante, kompositor, produktor i artista di sine Marc Anthony ta e artista di Salsa ku tin e mihó resultadonan di benta na mundu. Den su karera el a risibí henter un serie di Grammy’s, Latin Grammy’s i otro premionan prestigioso i el a amplia su tereno di labor ku aktuashon, mundu di komersio i komo filántropo. Na aña 2022 su di nuebe álbum di Salsa ku e título  Pa’llá Voy, álbum ku el a produsí huntu ku Sergio Mendes, e persona ku e ta trahando ya pa basta aña kuné.

Mei mei den e temporada kurú di Rock di Nirvana i Guns N’ Roses, na prinsipio di añanan‘90, Seal ku su stèm di felpa e tabata tóver i yena e kansionan ku magia den e género musikal di Pòp ku e piesanan manera Killer, Crazy i Kiss From A Rose riba e listanan di éksito. Pero Seal mes ta leu for di ta un stèm di pasado; ademas di su 30 mion álbumnan bendí el a generá den e époka digital akí un kantidat di mil mion siguidó di su ‘stream’. For di aña pasá e ta selebrando su karera musikal di mas ku 30 aña ku un gira musikal mundial rondó di su álbumnan klásiko ku e títulonan di Seal (1991) i tambe Seal II (1994).

E kantante i kompositor italiano ku nòmber di Eros Ramazzotti a kuminsá su karera internashonal despues ku na aña 1984 el a sali ganadó apsoluto den e kategoría di Nobato den e tan famoso Festival di San Remo. El a bira hopi konosí danki na su hitnan manera: “Se Bastasse Una Canzone i tambe Musica è”. Durante su karera musikal di mas di kuarenta aña Ramazzotti a bende mas ku 70 miion di álbum i el a keda di “stream” mas ku dos mil mion biaha. Su último álbum ‘Battito Infinito’ a mira lus di día na aña 2022.

Ku su iniguagalabel stèm di kantante e kantante merikano Lizz Wright elogiá for di día ku el a debutá ku su Salt na aña 2003 komo un di e vokalistanan den e género di Jazz mas apresiá di su generashon. E aña akí lo e bai emití e álbum ku ta hiba komo título: Shadow, e promé álbum di studio riba su propio seyo musikal Blues & Greens Records. Ku tabata kontené ya kaba fo’i aña 2022 tambe su álbum grabá bibu ku e título: Holding Space.

Matteo Mancuso ta un guitarista italiano di e género musikal Jazz i Rock i tambe kompositor prosedente di Palermo na Sicilia. E ta konosí pa e estilo ku e tin di toka músika flamenko ku e téknika di man drechi riba guitara eléktriko i tambe su solonan musikal improvisá sin hasi uso di un “pik”. Nòmbernan grandi den e mundu aktual di guitara ku entre nan ta figurá esunnan di: Al Di Meola, Joe Bonamassa i Steve Vai, ta su fanátikonan- esun último menshoná hasta a riska yam’é: e ‘evolushon di e guitara fushon’. Na aña 2023 Mancuso a emití su promé álbum di studio ku ta hiba e título di, The Journey.