Aksesibilidat
i parkermentu

Manera tur aña bo por hasi uso di diferente lugá di parker den serkania di World Trade Center. For di e lugánan di parker tin shuttle bùs ta kore for di i pa e tereno di festival. Na e lugánan di parker tin sufisiente iluminashon i seguridat.

E terenonan ofisial pa parker di CNSJ 2016 ta:

  • Coney Island
  • Holiday Inn
  • Vèlt di Jong Holland
  • Vèlt di Mundo Nobo
  • Vèlt di Parassassa
  • Sambil
  • Stadion Johnny Vrutaal/ Stadion di Ref

E lugánan di parker ta indiká  ku bòrchi ‘Parking’. Mustrando bo karchi di entrada bo por hasi uso di e lugá di parker i tambe di e Shuttle bùs grátis.

E Shuttle bùsnan lo hiba bo te serka di entrada di tereno di Festival. For di e lugá akí mes, e Shuttle bùsnan lo hiba bo bèk pa e lugánan di parker. Pues pa hasi esei bo ta bolbe subi e bùsnan na e mesun lugá kaminda bo a baha for di e bùs anteriormente.

For di rotònde di Piskadera tin Tuk Tuk ta kore pa entrada di tereno di festival riba e siguiente orario:
Djaweps 1 di sèptèmber: 18:00 – 21:00 i 22:00 – 00:00
Djabièrne 2 i djasabra 3 di sèptèmber: 18:00-21:00 i 23:30-03:00

Por sosodé na dado momento ku un di e lokalidatnan di parker a yena, òf ku e ruta pa yega na e lugá di parker ta blòkiá. Si esei ta e kaso nos ta pidi bo enkaresidamente pa sigui instrukshon di polis i e hendenan presente di seguridat pa asina bo por parker bo outo na un manera ordená, seif i sigur.